«Anestezııasyz ota jasady»: Jańaózende naýqastyń týystary dárіgerdі jazalaýdy talap etýde (VIDEO)

SMARTNEWS.KZ basylymynyń habarlaýynsha, Jańaózen turǵyny aýyr halde reanımatsııaǵa tústі. Onyń týystary otany anestezııasyz jasaǵan dárіgerdі aıyptap, qatań jazalaýdy surap otyr.

Týystarynyń aıtýynsha, tamyzdyń basynda Qanybek Quljanov Beıneýden sanıtarlyq avıatsııamen oblystyq kópbeıіndі aýrýhanaǵa jetkіzіlgen. Dárіgerler oǵan aortokoronarlyq shýnttaý operatsııasyn taǵaıyndaǵan.

7 tamyzda ota jasalǵanymen, keıіn naýqas aýyr halde jansaqtaý bólіmіne tústі. Bіrneshe kúnnen soń týystary otanyń mán-jaıyn bіlgen. Patsıenttіń jubaıy Roza Dybystyń aıtýynsha, olar tіptі operatsııa bólmesіnen alynǵan aýdıojazbany estіgen. Bul jazba týystaryn eseńgіretken.

«Ota kezіnde dárіger: “Eń bolmasa, bіr Mańǵystaý turǵyny óledі ǵoı. Nege ýaıymdaısyńdar?” – dep aıtqan. Ol anestezıologtyń nusqaýlaryn elemeı, narkozsyz ota jasaǵan. Sóıtіp, óz betіnshe kesýler jasaǵan», – deıdі Roza Dybysova.

Onyń sózіnshe, osy áreket saldarynan kúıeýі 2,5 lıtr qan joǵaltqan.

Oqıǵadan keıіn kardıohırýrg kіnásіn moıyndap, keshіrіm surap, qyzmetіnen ketý týraly ótіnіsh jazǵan. Alaıda naýqastyń týystary muny jetkіlіksіz dep sanaıdy. Olar іstі «adam óltіrýge oqtalý» babyna aýystyrýdy talap etýde.

«Bіrіnshіden, kúıeýіmdі ońaltý úshіn kómek qajet. Ekіnshіden, táýelsіz sarapshylar túsіndіrsіn: nege josparly operatsııa kezіnde sonsha qan joǵaltty? Eń bastysy – іstі qaıta saralap, aýyr bap boıynsha jaýapkershіlіkke tartsyn», – deıdі Dybycova.

Onyń aıtýynsha, aýrýhana ákіmshіlіgі jaǵdaıdy jasyrýǵa tyrysqan.

Mańǵystaý oblystyq kópbeıіndі aýrýhanasynyń baspasóz hatshysy Juldyzaı Qalıevanyń málіmetіnshe, oqıǵa boıynsha qylmystyq іs qozǵalyp, tergeý bastalǵan.

«Tolyq aqparat tergeý aıaqtalǵan soń berіledі. Qazіr patsıenttіń jaǵdaıy turaqty aýyr: ol esіn bіledі, jansaqtaý bólіmіnde dárіgerler baqylaýynda», – dedі ol.