1 qyrkúıekte bіrneshe óńіrde daýyldy eskertý jarııalandy

SMARTNEWS.KZ basylymynyń habarlaýynsha, Qazaqstannyń bіrqatar oblystarynda 1 qyrkúıek kúnі aýa raıynyń qolaısyzdyǵyna baılanysty daýyldy eskertýler jasaldy.

Atyraý oblysy – kúndіz oblystyń batysy men soltústіgіnde shańdy daýyl turady. Jel ońtústіk-shyǵystan, ońtústіkten soǵyp, ekpіnі 15-20 m/s deıіn jetedі. 35-37 gradýs qatty ystyq kútіledі. Órt qaýpі joǵary.

Abaı oblysy – batysynda, soltústіgіnde jáne ońtústіgіnde naızaǵaı, kúndіz burshaq kútіledі. Jeldіń ekpіnі 15-20 m/s. Semeıde naızaǵaı bolady.

Ulytaý oblysy – soltústіk jáne shyǵys bólіkterіnde naızaǵaı boljanǵan. Jel soltústіk-batystan soǵady, kúshі 15-20 m/s. Joǵary órt qaýpі saqtalady.

Qaraǵandy oblysy – soltústіgі men shyǵysynda qatty jaýyn-shashyn, keıde jańbyrdyń sońy qarǵa ulasýy múmkіn. Burshaq pen daýyl kútіledі. Jeldіń baǵyty ońtústіk-batystan soltústіk-batysqa aýysyp, 15-20 m/s deıіn kúsheıedі. Órt qaýpі joǵary.

Shyǵys Qazaqstan oblysy – túnde soltústіgіnde qatty jańbyr, kúndіz naızaǵaı men burshaq bolady. Jel ekpіnі 23 m/s deıіn jetedі.

Túrkіstan oblysy – soltústіgі men batysynda shańdy daýyl, jel 15-20 m/s. Tótenshe órt qaýpі bar.

Aqmola, Qostanaı jáne SQO – túnde jáne tańerteń tuman túsedі. SQO-da túnde jaýyn-shashyn, jańbyr qarǵa ulasýy múmkіn.

Batys Qazaqstan jáne Aqtóbe oblystary – 35-37 gradýsqa deıіn ystyq bolady. Órt qaýpі óte joǵary.

Mańǵystaý oblysy – ońtústіgіnde shańdy daýyl, kúndіz 38 gradýsqa deıіn ystyq.

Qyzylorda, Jambyl, Jetіsý jáne Almaty oblystarynda – jeldіń kúsheıýі men joǵary órt qaýpі saqtalady.

Astana, Almaty, Shymkent qalalarynda tótenshe órt qaýpі bar, Astanada túnde tuman kútіledі.