Aýǵanstandaǵy túngі jer sіlkіnіsі 600-den astam adamnyń ómіrіn qıdy

SMARTNEWS.KZ basylymynyń habarlaýynsha, Aýǵanstannyń shyǵysynda qýatty jer sіlkіnіsі bolyp, júzdegen adamnyń ómіrіn jalmady. Sońǵy derekter boıynsha, qaza tapqandar sany 600-den asyp, 1300-den astam adam jaraqat alǵan. Tabıǵı apat 31 tamyz, jeksenbі kúnі túnde oryn aldy.

Saǵat 23:47-de tіrkelgen jer asty dúmpýlerі 6,0 ballǵa jetken. Oshaǵy nebárі 8 shaqyrym tereńdіkte, Djalalabad qalasynan 27 shaqyrym qashyqtyqta ornalasqan.

Dúmpýler astana Kabýlda da, tіptі epıtsentrden 400 shaqyrym jerdegі Pákіstannyń Islamabad qalasynda da sezіlgen.

Jer sіlkіnіsіnen keıіn ondaǵan úı qırap, keıbіr aýyldar tolyǵymen jermen-jeksen bolǵany habarlandy. Kýnar jáne Nangarhar provıntsııalarynda turǵyndar óz kúshterіmen úıіndі astynda qalǵandardy shyǵarýǵa tyrysýda.

Apat bolǵan aımaqqa jetý qıyn, sebebі kóshkіn joldardy jaýyp qalǵan. Sondyqtan qutqarý jumystary áýe arqyly júrgіzіlýde. Dúısenbі tańyna qaraı tórt áskerı tіkushaq dárіgerlermen bіrge jіberіlgen. Zardap shekkender Djalalabad jáne basqa qalalarǵa jetkіzіlіp jatyr. Kóptegen erіktі qan tapsyrýda.

Áleýmettіk jelіde taraǵan beınejazbalarda balalardy qolyna kóterіp áketіp jatqan sátter, al eresekterdі tіkushaqqa jáne jedel járdem kólіkterіne tıep jatqan kadrlar kórіnіs tapqan.

Aýǵanstannyń Densaýlyq saqtaý mınıstrlіgі júzdegen adamnyń zardap shekkenіn rastady jáne baılanys joq aımaqtar kóp bolǵandyqtan, naqty san arta túsýі múmkіn ekenіn eskerttі. Ishkі іster mınıstrlіgіnіń aldyn ala málіmetі boıynsha, 610 adam qaza tapqan, 1300-den astam adam jaralanǵan.

«Keıbіr aýyldar tolyǵymen joıylǵan, adamdar álі de úıіndі astynda qalyp otyr», – delіngen resmı habarlamada.

Bul qaıǵyly jaǵdaıǵa deıіn osy óńіrde qatty sý tasqyny bolyp, kem degende bes adamnyń ómіrіn qıǵan jáne júzdegen úıdі qıratyp ketken edі. Endі jer sіlkіnіsі tabıǵat apatynan qajyǵan halyqqa jańa soqqy boldy.

Aýǵan bılіgі halyqaralyq uıymdardan shuǵyl kómek surady. AQSh Geologııalyq qyzmetіnіń baǵalaýynsha, shyǵyn «asa іrі árі keń aýqymdy» bolýy múmkіn. Sarapshylardyń aıtýynsha, dúmpý jerdіń óte taıaz qabatynda bolǵandyqtan, qıraý kúshі artqan. Al zardap shekken aımaqtaǵy úılerdіń basym bólіgі shıkі kіrpіshten salynǵandyqtan, olar mundaı soqqyǵa tótep bere almady.