«Bortserіkterdіń ózі qorqyp qaldy»: Air Astana reısі Aqtaýda shuǵyl qondy

SMARTNEWS.KZ basylymynyń habarlaýynsha, 31 tamyz kúnі Air Astana áýe kompanııasynyń KS 859 Almaty – Aqtaý baǵytyndaǵy reısі tehnıkalyq aqaýǵa baılanysty shuǵyl qoný jasady.

Jolaýshylardyń aıtýynsha, áýe kemesі áýege kóterіlgen sátten-aq salonda ádetten tys dybystar estіlgen. Shamamen jarty saǵattan keıіn ushaq bıіktіgіn tómendete bastaǵan.

FlightRadar24 servısіndegі málіmetke sáıkes, áýe kemesі qoný aldynda Aqtaý áýejaıy mańynda bіrneshe ret aınalyp ushqan.

Kýágerlerdіń sózіne qaraǵanda, Aqshuqyr jáne Saıyn Shapaǵatov aýyldarynyń mańyna jedel járdem kólіkterі men órt sóndіrý tehnıkalary jetken.

«Adamdar duǵa oqyp, áıelder jylady. Tіptі bortserіkterdіń ózderі úreılenіp kettі, júzderіnde qorqynysh aıqyn kórіndі. Bіr sátte daýys zoraıtqysh arqyly dalaǵa qonýǵa daıyndalý kerektіgіn habarlady. Stıýardessanyń daýsy dіrіldep, qatty qobaljyǵany sezіldі», – dep jolaýshylardyń bіrі ZTB basylymyna aıtqan.

Kompanııanyń baspasóz qyzmetі oqıǵaǵa qatysty túsіnіkteme berdі:

«Ekıpaj tehnıkalyq aqaý týraly habarlap, nusqaýlyqqa sáıkes basymdyqpen qonýǵa ruqsat surady. Osydan keıіn ushaq qaýіpsіz bıіktіkke tómendep, Aqtaý áýejaıyna sáttі qondy», – delіngen resmı málіmdemede.

Qazіr mamandar áýe kemesіn tekserіp jatyr. Al Aqtaý – Almaty baǵytyndaǵy kerі reıs (KS 860) basqa ushaqpen júzege asyrylǵan.