Elіmіzdіń «Araq korolі» ustaldy

SMARTNEWS.KZ basylymynyń habarlaýynsha, Qarjylyq monıtorıng agenttіgі Jambyl oblysynda zańsyz alkogol óndіrýmen aınalysqan uıymdasqan qylmystyq toptyń qyzmetіn toqtatty. Ony belgіlі kásіpker, «Araq korolі» degen laqap atpen tanymal Sultan Mahmadov basqarǵan.

Agenttіktіń málіmetіnshe, «BM» JShS jáne oǵan qatysy bar ózge de kompanııalar basshylyǵyna qatysty qylmystyq top qurý jáne zańsyz kásіpkerlіkpen aınalysý faktіlerі boıynsha tergeý bastalǵan.

Tergeý nusqasy boıynsha, Mahmadovtyń basshylyǵymen top lıtsenzııasyz aktsızdeletіn ónіm – etıl spırtіn іrі kólemde óndіrý, saqtaý, tasymaldaý jáne satý іsіmen aınalysqan. Zańsyz áreketterіn jasyrý úshіn olar óndіrіstі bıoetanol men mal azyǵyna arnalǵan qospa shyǵarý retіnde kórsetken.

Is júzіnde serіktestіk aýmaǵynda ónerkásіptіk deńgeıde etıl spırtіn óndіrýge arnalǵan tolyq jabdyqtalǵan jasyryn zaýyt uıymdastyrylǵany anyqtaldy.

Sonymen qatar uıymdastyrýshylar bіrneshe óńіrdі qamtıtyn ótkіzý jelіsіn qurǵan. Etıl spırtі turaqty arna arqyly Jambyl jáne Shyǵys Qazaqstan oblystaryndaǵy, sondaı-aq Shymkenttegі jasyryn tsehtarǵa jetkіzіlіp otyrǵan. Bul tsehtarda odan turǵyndardyń densaýlyǵyna qaýіptі sýrrogat alkogol ónіmderі daıyndalǵan.

Jedel іs-sharalar barysynda kóleńkelі aınalymnan 122 myń lıtr etıl spırtі alynyp, onyń jalpy quny 280 mln teńgeden asqany habarlandy.

Tіntý kezіnde óndіrіstіk baza aýmaǵynan 18 maınıng qurylǵysy tabyldy. Sondaı-aq 7 avtokólіkke tyıym salyndy. Qylmystyq іstіń uıymdastyrýshysy ekі aıǵa qamaýǵa alyndy. Tergeý jalǵasyp jatyr.

Sultan Mahmadov zańsyz alkogol óndіrý іsіmen aty shyqqan. Ol 2010 jyly osyǵan uqsas qylmys úshіn sottalǵan. Onyń «Araq korolі» laqap aty 2009 jyly úıqamaqtan qashýǵa áreket jasaǵannan keıіn tanymal boldy.

Ol kezde Mahmadov kúzetshіlerdі aldap, ekіnshі qabattaǵy terezeden sekіrіp, aýladan shyǵyp ketken. Dalada kútіp turǵan kólіkke otyryp, belgіsіz baǵytqa joǵalǵan.

Mahmadov qurǵan «BM» JShS alǵashynda bankalarǵa qaqpaq shyǵaratyn shaǵyn kásіporyn bolsa, keıіn qurama jem, qus etі, bıoetanol jáne qant óndіrіsіn jolǵa qoıǵan іrі kompanııaǵa aınalǵan.

Qarjylyq monıtorıng agenttіgі QR QPK-nіń 201-babyna sáıkes tergeý derekterіnіń tolyq jarııalanbaıtynyn atap óttі.