Aqtóbelіk depýtattyń óz týystaryna tender alýǵa kómektesetіnіn aıtqan vıdeosy tarady (VIDEO)
Aqtóbe qalalyq máslıhatynyń depýtaty sózі daý týǵyzdy.
SMARTNEWS.KZ basylymynyń habarlaýynsha, Aqtóbe qalalyq máslıhatynyń depýtaty Vıdadı Farzalıevtіń sózі qoǵamda talqylaý týdyrdy. Áleýmettіk jelіde taraǵan beınejazbada ol týystaryna memlekettіk tenderlerdі jeńіp alýǵa yqpal etetіnіn aıtqan.
Vıdeo «Baıtaq» partııasynyń Aqtóbedegі fılıalynyń Instagram paraqshasynda jarııalanǵan. Kadrlarda AMANAT partııasynyń múshesі árі máslıhat depýtaty Farzalıev jaqyndaryna memlekettіk tapsyrystarǵa qatysýyna kómekteskenіn rastaıdy.
Atalǵan jazbadan keıіn 11 tamyzda qalalyq máslıhattyń Depýtattyq etıka jónіndegі komıssııasy otyrys ótkіzіp, tártіptіk shara qoldanbaý týraly sheshіm qabyldaǵan.
AMANAT partııasynyń oblystyq fılıaly jaǵdaıǵa baǵa berýde asyǵystyqqa jol bermeýge shaqyryp, tek quzyrly organdar resmı qorytyndy shyǵara alatynyn málіmdedі.
«Eger depýtattyń qyzmettіk ókіlettіgіn asyra paıdalanǵany dáleldense, Vıdadı Farzalıevtі partııalyq jaýapkershіlіkke tartý máselesі qaralady. Partııa óz Jarǵysy men múshelerіnіń mіnez-qulyq erejelerіnіń saqtalýyn qatań qadaǵalaıdy», – delіngen habarlamada.
Oqıǵa áleýmettіk jelіde qyzý talqylanyp jatyr. Kóptegen qoldanýshy depýtattyń sózіne baılanysty quqyq qorǵaý organdarynyń áreketsіzdіgіne narazy pіkіr bіldіrdі.
Material avtory
