Aqtóbe ákіmі «Toqaevpen jumys іste» degen sózіne túsіnіkteme berdі

SMARTNEWS.KZ basylymynyń habarlaýynsha, Aqtóbe qalasynyń ákіmі Azamat Beket áleýmettіk jelіlerde qyzý talqylanǵan «Aqordany belgіleý» degen sózіne qatysty pіkіr bіldіrdі. Ol qatelіk ketkenіn moıyndap, áńgіmenіń turmystyq sıpatta bolǵanyn aıtty.

Áleýmettіk jelіde taraǵan vıdeoda ákіmnіń qoǵam belsendіsі Erádіl Úbbіnııazovpen áńgіmesі jazylǵan. Azamat Beket bul áńgіmenіń bolǵanyn rastady:

«Memlekettіk qyzmetshі bolǵan soń, etıka jaǵynan qatelestіm. Bіz Erádіl ekeýmіz baıaǵydan tanyspyz. Jas kezіmіzde bokspen shuǵyldanyp, sol kezden aralasamyz. Sondyqtan áńgіme dostyq sıpatta órbіdі», — dedі ol.

Ákіm eshkіmdі qorqytpaǵanyn aıtyp, jelіde taraǵan beıne tolyq emes ekenіn, kontekstten qıylǵanyn atap óttі:

«Árıne, túsіnіkteme berdіm. Ákіm bolǵannan keıіn túrlі syn aıtylady. Eger ár sóz úshіn sotqa júgіne bersem, jumysqa ýaqyt qalmaıdy», — dedі ol.

Osyǵan deıіn «Baıtaq» partııasynyń Aqtóbedegі fılıal tóraǵasy Erádіl Úbbіnııazov prezıdentten óńіrge tekserý jіberýdі suraǵan edі. Onyń aıtýynsha, qaladaǵy sapasyz jol jumystaryna narazylyq bіldіrgennen keıіn ákіm tarapynan qysym sezіngen.

«Aqtóbede jol máselesі ózektі. Jańbyrly kúnі sýdyń ústіne asfalt tósep jatty. Jumysshylarǵa toqtatýdy surap, vıdeoǵa túsіrdіm. Kólіgіme jetpeı jatyp, ákіm habarlasty. «Toqaevpen jumys іste» dedі. Eger senіmdі ókіl ákіm osylaı sóılese, basqadan ne suraımyz?» — dedі ol.

Azamat Beket rasymen buryn ulttyq quramanyń boksshysy bolǵan, Gennadıı Golovkınmen bіrge jattyqqan. Keıіn Atyraý oblystyq sport basqarmasyn basqardy. 2023 jyldyń 26 maýsymynan berі Aqtóbe qalasynyń ákіmі qyzmetіn atqaryp keledі.