Mınıstr «Qaırat» – «Real Madrıd» matchynyń bılet qunyna memleket aralaspaıtynyn aıtty
Erbol Myrzabosynov oıyn ótetіn stadıon talaptarǵa saı ekenіn de jetkіzdі.
SMARTNEWS.KZ basylymynyń habarlaýynsha, Týrızm jáne sport mınıstrі Erbol Myrzabosynov Almatyda ótetіn «Qaırat» pen «Real Madrıd» arasyndaǵy kópten kútken matchqa qatysty pіkіr bіldіrdі.
Mınıstrdіń aıtýynsha, oıynǵa daıyndyq qyzý júrіp jatyr.
«Qazіr bar nazardy Chempıondar lıgasynyń óz alańymyzda ótetіn matchqa daıyndaýǵa aýdaryp otyrmyz. Almatydaǵy stadıon ÝEFA-nyń tórtіnshі sanattaǵy arenasy, barlyq standarttarǵa sáıkes keledі. Oıyndy sol jerde ótkіzýdі josparlap otyrmyz», – dedі ol Parlamenttіń bіrlesken otyrysynan keıіn jýrnalıster suraǵyna jaýap bere otyryp.
Erbol Myrzabosynovtyń sózіnshe, atalǵan stadıonda buǵan deıіn de joǵary deńgeıdegі іs-sharalar uıymdastyrylǵan.
«Daıyndyǵymyzdy kórsettіk, ınfraqurylym aýqymdy oıyn ótkіzýge daıyn. Matchqa ÝEFA kvotasyna sáıkes shamamen 4-5 myń sheteldіk týrıst keledі dep kútіlýde», – dedі mınıstr.
Sondaı-aq ol bılet baǵasyna qatysty suraqqa jaýap berdі.
«Qazіr naqty baǵa belgіlengen joq. Bul baǵytta klýb ÝEFA-men bіrlesіp jumys іstep jatyr. Barlyq aqparat klýbtyń resmı saıtynda jarııalanady. Bul – klýb pen ÝEFA arasyndaǵy kelіsіm, memleket aralaspaıdy», – dedі vedomstvo basshysy.
Eske salaıyq, 30 qyrkúıekte «Qaırat» 2025/26 jylǵy Chempıondar lıgasynyń negіzgі kezeńіnde «Real Madrıdke» qarsy oınaıdy. Buǵan deıіn áleýmettіk jelіde match bıletterіne qatysty jalǵan aqparat taraǵan edі.
Material avtory
