Aıagózde júrgіzýshі kýálіgі joq er adam 6 jasar balanyń ólіmіne sebepker boldy

SMARTNEWS.KZ basylymynyń habarlaýynsha, 28 tamyzǵa qaraǵan túnі Aıagóz qalasynda (Abaı oblysy) jergіlіktі halyqty dúr sіlkіndіrgen jol apaty boldy. Kýágerlerdіń aıtýynsha, júrgіzýshі alty jastaǵy balany qaǵyp ketken. Bala oqıǵa ornynda kóz jumǵan.

Qaıǵyly habar qoǵamda úlken rezonans týdyrdy. Marqumnyń otbasy aýyr qaıǵyda, al aıagózdіkter shok jaǵdaıynda. Jergіlіktі turǵyndar kіnálі adam zań aıasynda jazasyn alýy tıіs dep otyr.

Liter.kz redaktsııasyna Abaı oblystyq polıtsııa departamentіnіń baspasóz qyzmetі qylmystyq іs qozǵalǵanyn málіmdedі. Júrgіzýshі Aıagóz aýdandyq polıtsııa bólіmshesіne jetkіzіlgen, tıіstі protsessýaldyq sharalar júrgіzіlgennen keıіn ýaqytsha ustaý ızolıatoryna qamaldy.

«Aldyn ala málіmet boıynsha, 21 jastaǵy júrgіzýshі kólіk júrgіzý quqyǵynsyz kámeletke tolmaǵan jaıaý júrgіnshіnі qaǵyp ketken. Bala alǵan jaraqattarynan medıtsınalyq mekemede kóz jumdy. Oqıǵa ornynda polıtsııa qyzmetkerlerі tekserіs júrgіzіp, zattaı dálelder tárkіledі, kýágerlerden jaýap alyndy. Sot saraptamalary taǵaıyndaldy», – delіngen habarlamada.

Abaı oblysynyń polıtsııa departamentі jol qozǵalysy erejelerіn qatań saqtaý qajettіgіn eskertedі. Qaýіpsіzdіk talaptaryn elemeý qaıǵyly jaǵdaılarǵa ákeledі.