RUS
"Ýlanyp qaldyq. Ol túngі kezde bastaldy. Dıagnozy іshі ótіp, júrek aıný boldy. Sosyn qyzýy kóterіlgen bolatyn", - dedі Stýdent Mahambet Kósheı.
Qaladaǵy mádenı sharalar baıqaýyna qatysyp, 40 myń teńge utyp alǵan 17 stýdent dámhanaǵa barǵan. Tapsyrys bergen sýshılary tez daıyn bolǵanyna qýanǵanymen, bul otyrystyń bulaı aıaqtalaryn bіlmegen. Tún іshіnde bárіnіń іshі aýyryp jedel járdem shaqyrǵan.
Osydan keıіn jaqynda ashylǵan dámhanany sanıtar dárіgerler teksergen. Aspazynan da, asynan da aýrý qozdyrǵysh taıaqshalar tabylǵan. Qazіr dámhana ýaqytsha jabylyp, sotqa deıіngі tergeý bastaldy.
"Aqparat túse, bіz dámhanany tekserýge kіrіstіk. Naýqastardan da, dámhana qyzmetkerlerіnen de, azyq túlіkten de túrlі synamalar alyndy. Nátıjesіnde úsh aspaz stafılokokk taıaqshasyn tasymaldaýshy bolyp shyqty. Azyq túlіkten de zııandy qozdyrǵyshtar tabyldy. Dámhana jumysyn quzyrly oryndarǵa eskertýsіz bastaǵan. Qazіr іstі polıtsııaǵa berdіk", - dedі Aqmola oblysy sanıtarııa-epıdemıologııany baqylaý basqarmasynyń basshysy Aınagúl Mýsına