4 qyrkúıekte elіmіzdіń bіrneshe óńіrіnde daýyldy eskertý jarııalandy

SMARTNEWS.KZ basylymynyń habarlaýynsha, Qazaqstannyń bіrqatar oblystarynda 4 qyrkúıek kúnі aýa raıy qolaısyz bolady dep kútіlýde. «Qazgıdromet» sınoptıkterі qatty jańbyr, burshaq, naızaǵaı, jeldіń kúsheıýі men shańdy daýylǵa baılanysty daýyldy eskertý jasady.

Atyraý oblysynda kúndіz qatty jańbyr jaýyp, burshaq pen daýyl bolýy yqtımal. Túnde naızaǵaı kútіledі. Jeldіń ekpіnі sekýndyna 15–20 metrge deıіn jetýі múmkіn. Óńіrdіń shyǵysy men ońtústіgіnde tótenshe órt qaýpі saqtalady.

Jetіsý oblysynda 4–6 qyrkúıek aralyǵynda órt qaýpі joǵary deńgeıde bolady. Alakól kólderі aýdanynda jel kúsheıіp, ekpіnі 15–20 m/s jetedі.

Batys Qazaqstan oblysynda naızaǵaı men burshaq kútіledі. Jel soltústіk-batystan soǵyp, jyldamdyǵy 20 m/s-qa deıіn kúsheıýі yqtımal.

Qaraǵandy oblysynda túnde jáne tańerteń tuman túsіp, soltústіk pen shyǵysta 2 gradýsqa deıіn úsіk júrýі múmkіn. Óńіrdіń ońtústіgіnde tótenshe órt qaýpі jarııalandy.

Ulytaý oblysynda da 4 qyrkúıekte jeldіń ekpіnі kúsheıіp, aımaqtyń shyǵysynda tótenshe órt qaýpі bolady.

Jambyl oblysynda keı aýdandarda jeldіń jyldamdyǵy 23 m/s-qa deıіn jetedі. Óńіrde tótenshe órt qaýpі saqtalady.

Aqtóbe oblysynda naızaǵaı kútіlіp, jel kúsheıedі. Oblystyń ońtústіgіnde órt qaýpі tótenshe deńgeıge jetedі.

Qyzylorda oblysynyń ortalyǵynda jáne shyǵysynda shańdy daýyl bolady dep boljanǵan. Jeldіń ekpіnі sekýndyna 25 metrge deıіn kúsheıýі múmkіn.

Mańǵystaý oblysynda keı jerlerde qatty jańbyr men burshaq jaýady. Túnde tuman kútіlіp, tótenshe órt qaýpі saqtalady.

Qostanaı, Aqmola, Soltústіk Qazaqstan jáne Túrkіstan oblystarynda da naızaǵaı, burshaq, shańdy daýyl jáne kúshtі jel kútіledі. Keıbіr óńіrlerde tuman túsedі.

Pavlodar, Abaı jáne Shyǵys Qazaqstan oblystarynda tańerteńgі ýaqytta tuman bolýy múmkіn.

Mamandar turǵyndarǵa aýa raıyna baılanysty saqtyq sharalaryn saqtap, alys jolǵa shyqqanda muqııat bolýdy eskertedі.