Pýtın Zelenskıımen tek Máskeýde kezdesýge daıyn ekenіn aıtty

SMARTNEWS.KZ basylymynyń habarlaýynsha, Reseı prezıdentі Vladımır Pýtın Ýkraına basshysy Vladımır Zelenskıımen kezdesý múmkіndіgіn joqqa shyǵarmaıtynyn málіmdedі. Alaıda ol mundaı kelіssóz tek Máskeýde ótýі tıіs ekenіn alǵa tartty.

Pýtın bul týraly Beıjіńde ótken Jeńіs paradynan keıіngі baspasóz máslıhatynda aıtty. Onyń sózіnshe, AQSh prezıdentі Donald Tramp ekі el basshysyn kelіssóz ústelіne otyrǵyzýdy usynǵan.

«Men bul múmkіn ekenіn aıttym. Qoısyn, Máskeýge kelsіn. Men eshqashan mundaı kezdesýge qarsy bolǵan emespіn, eger ol jaqsy daıyndalyp, naqty nátıjege jetkіzse», – dedі Pýtın.

Sonymen qatar ol Zelenskııdіń legıtımdіlіgіne kúmán keltіretіn ıshara jasady: «Bul kezdesýlerdіń mánі bar ma ózі?» – dep surady.

Kıev mundaı usynysty bіrden qabyldamaı tastady. Ýkraına Syrtqy іster mınıstrі Andreı Sıbıga:

«Bul bastama áýelden oryndalmaıtyny belgіlі. Avstrııa, Vatıkan, Shveıtsarııa, Túrkııa jáne Parsy shyǵanaǵyndaǵy úsh memleket kezdesýge alań usyndy. Bul – mańyzdy usynystar. Prezıdent Zelenskıı kez kelgen sátte kezdesýge daıyn. Bіraq Pýtın ádeıі bolmaıtyn shart qoıyp, ýaqyt sozyp otyr», – dep jazdy áleýmettіk jelіde.

Aıta keteıіk, tamyz aıynda Donald Tramp uıymdastyrǵan Alıaskadaǵy kelіssózder nátıje bermegen bolatyn. Keıіn Vashıngtonda Zelenskıı men Eýropa elderі, sondaı-aq NATO ókіlderіmen kezdesýler óttі.

Tramptyń aıtýynsha, «maqsatqa tolyq jetіlmese de, jaqsy múmkіndіk bar». Qazіrgі ýaqytta AQSh prezıdentі Reseı men Ýkraına arasyndaǵy kelіssózde progress bolýyn talap etіp otyr. Ol kez kelgen bolashaq kelіsіmde Ýkraınaǵa eleýlі qaýіpsіzdіk kepіldіkterі berіlýі tıіs ekenіn aıtty.

Reseı tarapy buǵan deıіn bіrneshe ret Pýtın men Zelenskııdіń tіkeleı kezdesý múmkіndіgіn joqqa shyǵarǵan edі. Kremldіń ýájіne sáıkes, daıyndyq aıaqtalmaǵan, sondaı-aq Zelenskııdіń prezıdenttіk ókіlettіgіnіń merzіmі ótіp ketken.

Sonymen qatar Pýtın jýyrda ótken ShYU sammıtіnde «ýkraın daǵdarysyna Batys pen NATO kіnálі» dep málіmdedі. Onyń sózіnshe, soǵys «2014 jylǵy Evromaıdan oqıǵasy men Ýkraınany NATO-ǵa tartý áreketterіnen bastalǵan».

Bul ýaqytta Reseı áskerі Ýkraına aýmaǵyna soqqylaryn jalǵastyryp jatyr. Málіmetke sáıkes, ótken túnі eldіń bіrneshe aımaǵyna 500-den astam dron jáne ondaǵan zymyran jіberіlgen. Sondaı-aq, Reseı áskerі Donetsk oblysynyń tolyq okkýpatsııasyna baǵyttalǵan shabýylyn kúsheıtken.