London Ýkraınaǵa Reseı aktıvterіnіń esebіnen 1 mlrd fýntqa qarý jetkіzdі
Reseıdіń buǵattalǵan aktıvterі Ýkraınanyń enshіsіne óttі.
SMARTNEWS.KZ basylymynyń habarlaýynsha, Ulybrıtanııa qorǵanys mınıstrі Djon Hılı Kıevke sapary barysynda Ýkraınaǵa 1 mlrd fýnt sterlıngten asatyn áskerı qoldaý kórsetіlgenіn málіmdedі. Qarjylandyrý Reseıdіń buǵattalǵan aktıvterіnen túsken tabys esebіnen júrgіzіlgen. Bul týraly brıtan úkіmetіnіń resmı saıtynda habarlandy.
Atalǵan qarajatqa júzdegen myń artıllerııalyq oq-dárіler, júzdegen zenıttіk zymyrandar jáne áskerı tehnıkaǵa arnalǵan qosalqy bólshekter satyp alynǵan. Sondaı-aq qarjy jańa kelіsіmsharttarǵa, ıaǵnı áskerı jabdyqty jóndeý men qyzmet kórsetýge baǵyttalǵan.
Hılıdіń aıtýynsha, sońǵy 50 kún іshіnde Ýkraınaǵa:
4,7 mln atys qarýyna arnalǵan oq-dárі;
60 myń artıllerııalyq snarıad;
2,5 myńnan astam dron;
200 radıoelektrondyq kúres júıesі;
100 bіrlіk jeńіl qarý;
30 avtomobıl jetkіzіlgen.
Mınıstr atap ótkendeı, bıylǵy jyly Ulybrıtanııa Ýkraınaǵa jalpy kólemі 4,5 mlrd fýntqa teń áskerı qoldaý kórsetken.
Material avtory
