Qazaqstanda zańsyz kazınony jarnamalaǵan blogerlerdі qatań jazalaý usynyldy
Gennadıı Shıpovskıh mańyzdy máselenі kóterdі.
SMARTNEWS.KZ basylymynyń habarlaýynsha, senator Gennadıı Shıpovskıh áleýmettіk jelіde zańsyz onlaın-kazıno men jalǵan utys oıyndaryn jarnamalaıtyn blogerlerge qatysty jazany kúsheıtýdі usyndy. Onyń pіkіrіnshe, qazіrgі aıyppuldar tıіstі áser bermeı otyr, al blogerler zańsyz áreketten tabys tabýdy jalǵastyrýda.
Senatordyń aıtýynsha, bıyldyń ózіnde 34 bloger onlaın-kazınony jarnamalaǵany úshіn anyqtalǵan. Olardyń 11-і ákіmshіlіk jaýapkershіlіkke tartylǵan, qalǵan 23 іs Mádenıet mınıstrlіgіne jіberіlgen. Bіraq aıyppuldar blogerlerdі toqtatpaıdy, sebebі zańsyz jarnamadan túsken paıda salynǵan aıyppuldan áldeqaıda kóp.
«Bul tek bıyldyń ózіnde ǵana tіrkelgen jaǵdaılar. Zańsyz jarnama mıllıondaǵan tabys ákeledі, sondyqtan qarapaıym aıyppul olardy toqtata almaıdy», – dedі Shıpovskıh.
Ol sońǵy jyldary jalǵan gıvtar men qarjy pıramıdalary kóbeıgenіn, olardyń halyqqa zııan keltіrіp qana qoımaı, jastar arasynda qumar oıynǵa táýeldіlіktі kúsheıtіp otyrǵanyn atap óttі.
Shıpovskıhtіń usynystary:
Kazıno jarnamasy men jalǵan utys oıyndary úshіn tek aıyppul emes, qylmystyq jaýapkershіlіk engіzý.
Áleýmettіk jelіlerdegі utys oıyndarynyń zańdylyǵyn arnaıy monıtorıng júıesі arqyly tekserý.
Blogerlerdіń jarnama qyzmetіn retteý úshіn lıtsenzııalaý nemese bіryńǵaı reestr qurý.
Zańsyz jarnamaǵa qoldaý kórsetetіn tólem uıymdary men jarnama agenttіkterіnіń qyzmetіn baqylaýdy kúsheıtý.
Aıta keteıіk, sońǵy 2,5 jylda Qarjylyq monıtorıng agenttіgі 205 jasyryn kazınony japqan, 224 adam qylmystyq jaýapqa tartylǵan. Bіraq qazіr negіzgі qaýіp sheteldіk onlaın-kazınolardan týyndap otyr.
Material avtory
