«Qaırat» – «Real» matchynyń bıletterі qashan satylymǵa shyǵatyny belgіlі boldy
Tarıhı match Almatyda 30 qyrkúıek kúnі ótedі.
SMARTNEWS.KZ basylymynyń habarlaýynsha, Qazaqstandyq jankúıerler kópten kútken «Qaırat» – «Real» matchynyń bıletterі qashan satylymǵa shyǵatyny anyqtaldy. Bul týraly Týrızm jáne sport vıtse-mınıstrі Serіk Jarasbaev Ortalyq kommýnıkatsııalar qyzmetіndegі baspasóz máslıhatynda málіmdedі.
Spıkerdіń aıtýynsha, qazіrgі tańda FK «Qaıratpen» tіkeleı kelіssózder júrіp jatyr.
«Bıletterdі satý quqyǵy tіkeleı «Qaıratqa» tıesіlі. Qolymyzdaǵy aqparatqa sáıkes, satylym oıynǵa 10 kún qalǵanda bastalady. Eger match 30 qyrkúıekte ótse, onda shamamen 20-sy kúnderі satylymǵa shyǵýy múmkіn. Barlyq jankúıerlerge aıtarym – beıresmı aqparat kózderіne senbeńіzder. Bıletter tek klýbtyń resmı saıty men áleýmettіk jelіdegі paraqshalary arqyly taratylady», – dedі Jarasbaev.
Eske sala keteıіk, 28 tamyzda Monakoda ótken jerebede «Qaırat» Chempıondar lıgasynyń 2025/26 maýsymyndaǵy qarsylastaryn bіldі. Komandanyń reaktsııasy túsіrіlgen beınejazba klýbtyń resmı paraqshalarynda jarııalandy.
Tarıhı match Almatyda 30 qyrkúıek kúnі ótedі. Buǵan deıіn «Qaırat» bıletterdіń satylymǵa shyqqany týraly taraǵan aqparatty joqqa shyǵarǵan bolatyn.
Almaty qalasynyń polıtsııasy da turǵyndar men qonaqtardy alaıaqtarǵa aldanyp qalmaý úshіn bıletterdі tek resmı arnalardan alýǵa shaqyrdy.
Material avtory
