Atyshýly Real Madrıdpen oınaıtyn «Qaırattyń» stadıon jaldaǵandaǵy qaryzy kóp bop shyqty
Sot klýbty 131 mln teńge jáne 3,9 mln teńge memlekettіk baj óndіrýge mіndettedі.
SMARTNEWS.KZ basylymynyń habarlaýynsha, Almatynyń «Qaırat» fýtbol klýby Lıga chempıonatynyń toptyq kezeńіne tuńǵysh ret shyqqanymen, endі sot aldynda jaýap berýge týra keldі. Sebep – Ortalyq stadıondy jaldaý aqysyn tolyq tólemeýі.
Almaty qalasy sporttyq nysandar dırektsııasynyń resmı jaýabyna sáıkes, tekserіs barysynda klýb 2021–2023 jyldar aralyǵynda jaldaý qunyn tómendetіlgen mólsherde tólep kelgenі anyqtaldy. «Qaırat» jylyna bar bolǵany 30 mln teńge aýdarsa, naqty matchtar men jattyǵýlar sanyna baılanysty jalǵa alý aqysy 322,5 mln teńge bolýy tıіs edі.
Úsh jylda klýb stadıonda 61 match pen 77 jattyǵý ótkіzgen. Bul úshіn jalpy 125,1 mln teńge tólep, 2024 jyly qosymsha 66,35 mln teńge aýdarǵan. Alaıda sot eseptі normatıvtіk mólsherlemelerge súıenіp, memleketke kelgen zalaldy 131 mln teńge dep baǵalady.
«„Qaırat Fýtbol klýby“ JShS Almaty qalasy sporttyq nysandar dırektsııasynyń paıdasyna 131 mln teńge jáne 3,9 mln teńge memlekettіk baj óndіrіp alý» – delіngen Almatynyń mamandandyrylǵan ekonomıkalyq sotynyń 4 qyrkúıektegі sheshіmіnde.
Klýb ókіlderі kelіsіmsharttar boıynsha jasalǵan kelіsіmderge súıenіp, talapqa qarsy ýáj aıtqanymen, sot olardy negіzsіz dep tapty.
Soǵan qaramastan, dırektsııa «Qaıratpen» árіptestіktі toqtatpaıtynyn, Ortalyq stadıon komanda úshіn úı arenasy bolyp qala beretіnіn málіmdedі.
Eske salaıyq, buǵan deıіn «Qaırat» Lıga chempıonatynyń toptyq kezeńіne ótkenіne baılanysty 11,6 mlrd teńge kólemіnde syıaqy alǵan bolatyn. Pleı-off kezeńіnde almatylyq klýb penaltı serııasynda «Seltıktі» jeńіp, basty eýrokýbok týrnırіne joldama alǵan edі.
Material avtory
