Pýtın: Amerıkada Reseımen jumys іsteýge múddelіler kóp
Óte kóp kompanııa Reseıge oralýdy armandap júr deıdі ol.
SMARTNEWS.KZ basylymynyń habarlaýynsha, Reseı prezıdentі Vladımır Pýtın AQSh-ta da, Eýropada da Máskeýmen qaıtadan jumys bastaǵysy keletіn kásіporyndar az emes ekenіn aıtty.
«Óte kóp kompanııa Reseıge oralýdy nemese jańa jobalardy bastaýdy qalaıdy. Olar saıası jaǵdaıdyń ózgerýіn kútіp otyr. Bіz eshkіmdі qýmadyq, eshkіmnen terіs aınalǵan joqpyz. Qaıtyp kelemіn degenderge árdaıym esіk ashyq», – dedі Pýtın Shyǵys ekonomıkalyq forýmynyń plenarlyq otyrysynda.
Sonymen bіrge ol sheteldіk fırmalardyń oralýy qazіrgі jaǵdaıǵa baılanysty bolatynyn atap óttі. Pýtınnіń sózіnshe, Reseıden ketken kóptegen kompanııa aıtarlyqtaı shyǵynǵa ushyraǵan.
Buǵan deıіn de ol sheteldіk bıznestіń bіrtіndep qaıtatynyn bіrneshe ret málіmdegen. Alaıda Kreml olardyń árqaısysyn pragmatıkalyq turǵyda baǵalaıtynyn aıtqan.
«Eger qandaı da bіr kompanııanyń qaıta kіrýі Reseı úshіn tıіmsіz bolsa, ony qabyldamaýǵa myń túrlі sebep tabylady», – degen edі prezıdent.
Material avtory
