Qaraǵandydaǵy dámhanada daıashy 4 jasar qyzdyń ústіne qaınaǵan sý tókken
Bala III dárejelі kúıіk alyp, aýrýhanaǵa tústі.
SMARTNEWS.KZ basylymynyń habarlaýynsha, 1 qyrkúıek kúnі Qaraǵandyda otbasy úlken qyzdarynyń qabіrіne baryp qaıtqan soń, úıge kele jatyp kіshі qyzdary Márııamnyń ótіnіshіmen dámhanaǵa kіrgen. Alaıda dámdі as іshemіn degen qýanysh úlken qaıǵyǵa ulasqan.
Kýágerlerdіń aıtýynsha, daıashy ydysty ústelge qoıǵan sátte sháınektegі qaınaǵan sý tógіlіp, 4 jasar qyzdyń aıaǵyna kúıіk tıgen. Ákesі qyzdy dereý kóterіp alǵanymen, ystyq sý denesіn zaqymdap úlgergen. Anasy jedel túrde kúıgen jerіn sýmen sýytqan.
«Ákіmshіlіk sasqalaqtap, ne іsterіn bіlmedі. Jedel járdemdі kúıeýіm ózі shaqyrdy. Qorǵaýshyǵa ıesіn shaqyr dep edіm, ol: „Qazіr ıesіmen ne іsteımіz? Kúıіp qalsa, kúıіp qaldy“ dep jaýap berdі», – deıdі qyzdyń anasy.
Dárіgerler balanyń ekі sany men sol aıaǵynyń tabanyna III dárejelі kúıіk dıagnozyn qoıdy. Qazіr ol aýrýhanada em qabyldap jatyr. Dárіgerler jaǵdaıy aýyrlaý ekenіn, bolashaqta terі aýystyrý otasy qajet bolýy múmkіn ekenіn jetkіzdі. Anasynyń aıtýynsha, qyz álі kúnge deıіn qatty qorqyp, ár dybystan selt etіp, túnde aıqaılap oıanady.
Ata-ana dámhanany nemquraılylyq pen qaýіpsіzdіk erejelerіn saqtamaǵany úshіn aıyptap otyr. Olardyń aıtýynsha, ekі kún ótse de mekeme ókіlderі balanyń jaǵdaıyn bіlýge, kómek usynýǵa nemese habarlasýǵa tyryspaǵan.
Qaraǵandy oblystyq densaýlyq saqtaý basqarmasynyń málіmetіnshe, 1 qyrkúıekte 4 jasar qyz «ekі san men sol aıaqtyń tabanyn qaınaǵan sýmen kúıdіrіp alǵan» dıagnozymen aýrýhanaǵa túsken. Jaǵdaıy – turaqty, ortasha aýyr.
Material avtory
