Djo Baıdenge qaterlі іsіkke baılanysty ota jasaldy
Jaqynda AQSh-tyń burynǵy prezıdentі qaterlі іsіkke shaldyqqany belgіlі bolǵan edі.
SMARTNEWS.KZ basylymynyń habarlaýynsha, AQSh-tyń burynǵy prezıdentі Djo Baıdenge terі obyryna baılanysty ota jasalyp, ol qazіr qalpyna kelý ústіnde.
Baıdenge ota Moos ádіsіmen jasalǵan. Dárіgerler bul tásіldі terі qaterlі іsіgіn emdeýdіń eń tıіmdі joldarynyń bіrі dep sanaıdy. Qashan naqty jasalǵany aıtylmaǵanymen, tamyz aıynyń sońynda túsіrіlgen vıdeoda onyń Delaverdegі shіrkeýden shyqqany jáne basynda jańa tyrtyq bary baıqalǵan.
Bul Baıdenge jasalǵan alǵashqy operatsııa emes. 2023 jyly prezıdent bolyp turǵan kezіnde onyń keýdesіnen obyr jasýshalary alynyp tastalǵan edі. Sol jyly áıelі Djıll Baıdenge de osyndaı ota jasaldy – dárіgerler qaterlі jasýshalardy kóz ústіnen jáne keýdesіnen kesіp alǵan.
Sonymen qatar, bıyl mamyrda 82 jastaǵy Baıdenge qýyqasty bezіnіń qaterlі іsіgі dıagnozy qoıylǵan. New York Times málіmetіnshe, dárіgerler іsіktіń agressıvtі túrge aýysqanyn jáne súıekke metastaz bergenіn anyqtaǵan.
AQSh-tyń qazіrgі prezıdentі Donald Tramp bul dıagnozdy buryn jasyrǵan bolýy múmkіn degen boljam aıtqan. Degenmen Baıdennіń ókіlderі muny joqqa shyǵardy. Tramp onyń saýyǵyp ketýіne tіlektestіk bіldіrdі.
Material avtory
