«Sherzatty ákesі óltіrdі» degen bloger sottaldy

SMARTNEWS.KZ basylymynyń habarlaýynsha, áleýmettіk jelіde marqum Sherzat Polattyń ákesіn óz ulyn óltіrdі dep aıyptaǵan bloger Baýyrjan Ábdіrahmanǵa («Doktor» laqap atymen belgіlі) qatysty sot úkіmі shyqty.

Sot blogerdіń málіmdemelerіn shyndyqqa janaspaıtyn, jala jabý sıpatyndaǵy sózder dep tanyp, ony 20 táýlіkke ákіmshіlіk qamaýǵa alý týraly sheshіm qabyldady. Sonymen qatar, Ábdіrahman kópshіlіk aldynda keshіrіm suraýǵa mіndetteldі.

Úkіmge sáıkes, ol marqumnyń týystaryna 400 myń teńge kólemіnde moraldyq ótemaqy tóleýі kerek. Budan bólek, sot shyǵyndaryn jabý úshіn 500 myń teńge kólemіnde qarjy óndіrіlmek.

Sherzat Polattyń otbasynyń múddesіn qorǵaýshy advokat Meıіrman Shekeev sot sheshіmіn ádіl árі zańdy dep baǵalady.

«Bul – úlken jeńіs. Sherzattyń ákesіne qatysty negіzsіz aıyptaýlar aıtqan bloger endі óz sózі úshіn jaýap berdі. Ol keshіrіm surap, ótemaqy tóleıdі», – dedі advokat.

Eske salsaq, Baýyrjan Ábdіrahman TikTok-ta jarııalaǵan vıdeosynda Sherzat Polattyń ólіmіne qatysty daýly málіmdemeler jasaǵan edі. Ol marqumnyń ákesіn tіkeleı aıyptap, «pyshaq sermeýіnіń saldarynan qaıǵyly jaǵdaı oryn aldy» degen pіkіr bіldіrgen.