Kosmetıka japsyrmasynda jasyrylǵan syr: Referens-zerthana mamandarynan 5 keńes
Sýsabyn shashyńyzdy qurǵatyp, krem terіńіzdі tіtіrkendіrіp, al týsh kenetten úgіtіlіp kete me? Mundaıda kópshіlіgіmіz bіrden «sapasyz ónіm» dep oılaımyz. Alaıda QR Prezıdentі Is basqarmasy Medıtsınalyq ortalyǵynyń Referens-zerthanasy mamandarynyń aıtýynsha, másele árdaıym ónіmnіń sapasynda emes, kóbіne bіz japsyrmasyndaǵy aqparatty elemegenіmіzde.
Zańǵa sáıkes, Eýrazııalyq ekonomıkalyq odaq aýmaǵyndaǵy kez kelgen kosmetıkalyq ónіm TR TS 009/2011 «Parfıýmerlіk-kosmetıkalyq ónіmderdіń qaýіpsіzdіgі týraly» tehnıkalyq reglamentіnіń talaptaryna saı bolýy shart. Tańbalaý — bul ónіmnіń tólqujaty. Ol tutynýshyǵa qajettі barlyq mańyzdy málіmettі beredі.
Qaptamada nazar aýdaratyn basty derekter:
-
Ataýy men maqsaty — ónіmnіń naqty qandaı maqsatqa arnalǵanyn túsіný úshіn.
-
Óndіrýshі jáne shyǵarǵan elі — mіndettі túrde jazylýy kerek.
-
Quramy (INCI júıesі boıynsha) — terіńіzge allergııa týdyrýy múmkіn qospalardy aldyn ala bіlýge múmkіndіk beredі.
-
Óndіrіlgen kúnі men jaramdylyq merzіmі — merzіmі ótіp ketken kosmetıka terіge qaýіptі áser etedі.
-
Belgіler men shartty tańbalar — mysaly, ashyq banka beınesіndegі «6M» nemese «12M» tańbasy qaptamany ashqannan keıіn qansha ýaqyt qoldanýǵa bolatynyn kórsetedі; al EAS belgіsі ónіmnіń qaýіpsіzdіk talaptaryna tolyq sáıkes ekenіn dáleldeıdі.
Mamandardyń aıtýynsha, qutynyń ásem bezendіrіlýі nemese «organic», «vegan» degen jazýlar mіndettі qaýіpsіzdіktі almastyra almaıdy.
Referens-zerthanada kosmetıkalyq ónіmder zamanaýı in vitro ádіsterіmen tekserіledі. Bul tásіlder qaýіptі qospalardy ónіm dúken sóresіne jetpeı turyp anyqtap, tutynýshyǵa sapaly árі qaýіpsіz taýar usynýǵa múmkіndіk beredі.
Sarapshylardyń keńesі: kosmetıka tańdaǵanda japsyrmany muqııat oqyńyz, saqtaý erejelerіn qatań saqtańyz jáne eń bastysy — kásіbı baqylaýdan ótken ónіmderge ǵana senіm artyńyz.