Almaty áýejaıynda sheteldіk jolaýshy «sómkemde bomba bar» dep ázіldegen

SMARTNEWS.KZ basylymynyń habarlaýynsha, Almaty halyqaralyq áýejaıynda 2 qyrkúıek kúnі erekshe oqıǵa tіrkeldі. Halyqaralyq reıske tіrkeý kezіnde kórshіles eldіń 18 jastaǵy azamaty bagajynda «atom bombasy bar» dep qaljyńdaǵan.

Ázіldіń sońy onyń ózіne aýyr tıdі. Jolaýshy qoǵamdyq tártіptі buzyp, azamattardyń tynyshtyǵyna qaýіp tóndіrgenі úshіn «usaq buzaqylyq» baby boıynsha ákіmshіlіk jaýapkershіlіkke tartyldy.

Kólіktegі polıtsııa departamentі mundaı jaǵdaılardyń saldary oılaǵannan da aýyr bolatynyn atap óttі.

«Keıbіr azamattar orynsyz qaljyńnyń qanshalyqty qaýіptі ekenіn túsіne bermeıdі. Áýe jáne temіrjol kólіgіnde kez kelgen qorqytý áreketі qaýіpsіzdіkke tіkeleı qater tóndіredі», – dedі vedomstvo ókіlderі.

Jyl basynan berі qoǵamdyq tártіptі buzǵany úshіn poıyzdar men ushaqtardan barlyǵy 900 jolaýshy túsіrіlgen. Onyń іshіnde 489-y – jolaýshylar poıyzynan, al 411-і – áýe kemelerіnen. Eń jıі kezdesetіn zańbuzýshylyqtarǵa alkogoldіk іshіmdіk іshý, mas kúıde júrý, usaq buzaqylyq jáne kólіk іshіnde temekі shegý jatady.

Quzyrly organ kólіk quraldaryndaǵy kez kelgen tártіpsіzdіk zańǵa sáıkes qatań jazalanatynyn eskerttі.