«QazMunaıGazǵa» reseılіk hakerler shabýyl jasady — Sheteldіk BAQ

SMARTNEWS.KZ basylymynyń habarlaýynsha, Ulttyq kompanııa «QazMunaıGazdyń» tsıfrlyq ınfraqurylymyna buryn beımálіm Noisy Bear atty hakerlіk top shabýyl jasaǵany belgіlі boldy. Kıbershabýyl fıshıngtіk hattar arqyly júzege asyrylǵan. Hattar korporatıvtіk habarlamalarǵa uqsatyp jasalǵandyqtan, qyzmetkerlerge іshkі qujat sekіldі kórіngen.

Kıberqaýіpsіzdіkke mamandanǵan sheteldіk basylymdar — Malware News jáne Cyber Security News — bul naýqan sáýіr aıynan berі jalǵasyp kele jatqanyn jazady. Hakerlerdіń negіzgі nysanasy — Ortalyq Azııadaǵy energetıkalyq jáne munaı-gaz salasyndaǵy uıymdar, ásіrese QMG qyzmetkerlerі.

Malware News taratqan derekke sáıkes, kúmándі faıldar QMG-nyń IT-bólіmі atynan taratylǵandaı etіp jasalǵan. Onda «saıasattardy jańartý», «іshkі sertıfıkatsııa protsedýralary» nemese «jalaqy kestesі» sııaqty taqyryptar kórsetіlgen. ZIP formatyndaǵy qosymshada zııandy skrıpt іske qosatyn ornatýshy jasyrylǵan.

Alǵashqy shabýyldar sáýіrde tіrkelse, mamyr aıynan bastap QMG qyzmetkerlerіne «jalaqy kestesі» túrіnde jappaı taratyla bastaǵan.

Kıberqaýіpsіzdіk sarapshylary serverdіń IP-mekenjaıy Máskeýde ornalasqanyn, al zııandy kod іshіndegі tehnıkalyq túsіnіktemelerdіń orys tіlіnde jazylǵanyn anyqtaǵan. Sondaı-aq faıldarda AQSh sanktsııasyna іlіkken reseılіk Aeza Group kompanııasynyń aty atalǵan. Bul derekter shabýyldyń reseılіk toptarmen baılanysty bolýy múmkіn ekenіn kórsetedі.

Cyber Security News taldaýynda hakerlerdіń áleýmettіk ınjenerııa tásіlderіn joǵary deńgeıde qoldanǵany, naqty kіmderge jáne qandaı mazmunmen habarlama jіberý keregіn dál bіlgenі aıtylady.