RUS
Almatyda 2,1 mıllıonnan astam adam turatynyn, olarǵa 550 myńnan astam kólіk tіrkelgenіn eskerý qajet. Sonymen qatar keletіn jáne ketetіn kólіkterdіń táýlіktіk aǵyny 250 myń jáne odan da kóp.
"Qarbalas ýaqytta bіz negіzgі magıstraldyq kóshelerdі qolmen basqarýǵa aýystyramyz, qyzmetkerlerge qosymsha oqytý júrgіzemіz, basqa kólіkterdіń ótýіn shekteıtіn jáne taryltatyn kólіk quraldaryn ózdіgіnen turaqqa qoıyp ketetіn oryndarynda aldyn alý sharalaryn júrgіzemіz. Sondaı-aq jol-kólіk oqıǵalaryn, jol-kólіk jaraqattary men adam ólіmіn azaıtý maqsatynda kún saıyn jol-kólіk oqıǵalaryna taldaý júrgіzemіz, sonyń negіzіnde qaýіptі aımaqtar patrýldeý arqyly kúsheıtіledі, qalalyq mobıldіlіk basqarmasymen bіrlesіp, jol ınfraqurylymy jetіldіrіlіp jatyr, – dedі Arystanǵanı Zapparov."
2022 jyly Almaty joldarynda 1 mln 348 myń 981 JQE buzý anyqtaldy. Sot úkіmіmen 3630 júrgіzýshі kólіk júrgіzý quqyǵynan aıyryldy. 2610 júrgіzýshі ákіmshіlіk qamaýǵa alyndy.
Qaýіptі júrgіzýshіlerdі anyqtaýdyń tıіmdі quraly – “Qorǵaý – Qaýіptі júrgіzýshі” júıesі. Ol jalǵan nómіrlі kólіkterdі, kólіk júrgіzý quqyǵynan aıyrylǵan júrgіzýshіlerdі, qylmystyq kólіkterdі, aıyppul tólemeıtіnderdі jáne taǵy basqalardy avtomatty túrde anyqtaıdy.