Palestınany moıyndaý daýy: Frantsııa men Izraıl arasyndaǵy qatynas shıelenіstі
Makron men Netanıahýdyń arasyna syzat tústі.
SMARTNEWS.KZ basylymynyń habarlaýynsha, Izraıl men Frantsııanyń dıplomatııalyq qarym-qatynasy kúrdelene tústі. Buǵan Frantsııanyń Palestına memleketіn moıyndaý týraly ustanymy sebep boldy.
Izraıldіń Knesset depýtaty Sharen Haskeldіń aıtýynsha, premer-mınıstr Bınıamın Netanıahý Ierýsalımdegі Frantsııa konsýldyǵyn jabý máselesіn qarastyryp jatyr. Ol buǵan deıіn de Emmanýel Makrondy «HAMAS-qa syılyq jasady» dep aıyptaǵan bolatyn.
Izraıl bılіgі, eger Parıj sheshіmіnen qaıtpasa, eldegі jáne anneksııalanǵan aýmaqtardaǵy frantsýz nysandaryn, sonyń іshіnde Shyǵys Ierýsalımdegі «Patshalar qabіrіn» tárkіleýі múmkіn ekenіn eskerttі.
Syrtqy іster mınıstrі Gıdeon Saar Frantsııa prezıdentіnіń Izraılge resmı saparyna eshqandaı múmkіndіk joq ekenіn málіmdedі. Onyń sózіnshe, «Frantsııa Izraıl múddelerіne qaıshy bastamalaryn jalǵastyryp otyrǵan shaqta, mundaı kezdesýdіń negіzі bolmaıdy».
Al Parıj tarapy eger Izraıl konsýldyqty jaýyp, shekteýler engіzse, jaýap retіnde óz elіndegі Izraıl konsýldyǵyn jabýy, dıplomatııalyq pasporttar sanyn qysqartýy nemese «Mosad» qyzmetіne shekteý qoıýy múmkіn ekenіn jetkіzdі.
Emmanýel Makron osy aptada Frantsııa men Saýd Arabııasy BUU-da ótetіn «ekі memleket sheshіmі» jónіndegі konferentsııaǵa teń tóraǵalyq etetіnіn habarlady. Ol eshqandaı áskerı operatsııa nemese anneksııa áreketі Palestınany moıyndaý protsesіn toqtata almaıtynyn aıtty.
Frantsııa prezıdentі sonymen bіrge AQSh-tyń palestınalyq delegatsııa múshelerіne vıza bermeý sheshіmіne ókіnіshіn bіldіrdі.
Eske salsaq, ekі el arasyndaǵy dıplomatııalyq daǵdarys ótken jyldyń tamyzynda bastalǵan. Sol kezde Netanıahý Makrondy «antısemıtızmdі órshіtýge yqpal etіp otyr» dep aıyptaǵan. Al frantsýz lıderі oǵan jaýap retіnde Palestınany moıyndaý Izraıldіń qaýіpsіzdіgіn qamtamasyz etýdіń eń durys joly ekenіn málіmdegen.
Material avtory
