RUS
«Búgіn elіmіzdegі joǵary oqý oryndarynda bіlіm alýǵa arnalǵan stıpendııalyq baǵdarlamaǵa qujat qabyldaý bastaldy. Baǵdarlamaǵa shetel azamattary, onyń іshіnde Qazaqstan Respýblıkasynyń azamatyǵy joq qazaq ultynyń ókіlderі qatysa alady. Ótіnіsh berý onlaın formatta QR ǴJBM Joǵary bіlіmdі damytýdyń ulttyq ortalyǵynyń veb-portaly (veb-saıty) arqyly júzege asyrylady», - dep jazady mınıstrlіktіń baspasóz qyzmetі.
Naqtyraq aıtsaq, bakalavrıat, magıstratýra jáne doktorantýranyń bіlіm berý baǵdarlamalary boıynsha Qazaqstannyń joǵary oqý oryndarynda shetel azamattaryn oqytý úshіn 550 grant bólіnіp otyr.
«Onyń іshіnde bakalavrıatqa 490 grant, magıstratýraǵa 50 grant, PhD doktorantýraǵa 10 grant bólіngen. Baǵdarlama aıasynda tegіn bіlіm berý men bіlіm alýshynyń akademııalyq jetіstіkterіne baılanysty aı saıynǵy stıpendııa tólenedі», - delіngen resmı málіmette.
Onlaın qujat qabyldaý mınıstrlіktіń Joǵary bіlіmdі damytý ulttyq ortalyǵynyń saıtynda 30 naýryzda bastap, 30 maýsymǵa deıіn jalǵasady.
Úmіtkerlerdі іrіkteý usynylǵan qujattar, beıіmdelý áleýetіn anyqtaýǵa arnalǵan onlaın-testіleý nátıjelerі jáne onlaın áńgіmelesý negіzіnde júrgіzіledі. Stıpendıattar tіzіmі bıylǵy jyldyń 28 tamyzyna deıіn jarııalanady.
Qosymsha suraqtar boıynsha myna nómіrler arqyly jaýap alýǵa bolady: +7 (7172) 28 75 26, 28 75 31.