RUS
Bul jaıynda SQO ákіmі Aıdarbek Saparov áleýmettіk jelіdegі paraqshasynda jazdy.
«Oqýshylar men olardyń ata-analary úshіn jaqsy jańalyqpen bólіskіm keledі. Jańa oqý jylynan bastap 1-4 synyp oqýshylary tegіn ystyq tamaqpen qamtamasyz etіledі. Osylaısha, Petropavl qalasy men oblystyń barlyq aýdandarynyń bastaýysh synyp oqýshylary qamtylady. Osynyń arqasynda ata-analar otbasy bıýdjetіn únemdeı alady. Qazіr oblysta az qamtylǵan jáne kóp balaly otbasylardyń balalary tegіn ystyq tamaqpen qamtylǵanyn atap ótkіm keledі», - dep jazdy Aıdarbek Saparov.
Qazіrgі ýaqytta mektep ashanalarynda túskі astyń baǵasy – 500 teńge. Alaıda, ony kúndelіktі berýge ár ata-ananyń qaltasy kótere bermeıdі.
Petropavldyq kásіpker Nurlan Tіlemіsovtyń aıtýynsha, balalarǵa ystyq tamaqty tegіn qylý – keremet bastama.
«Men Petropavldaǵy ekі mekteptіń oqýshylaryn tamaqtandyramyn. Keıbіr ata-analar úshіn balalaryna túskі asty alyp berý qymbat bolǵandyqtan, mundaı oqýshylar kondıter ónіmderіn satyp alyp, densaýlyǵyna zııan keltіredі. Qazіrgі ýaqytta №6 mektep boıynsha bastaýysh synyp oqýshylarynyń 90%-y, al №2 mektep boıynsha 30%-y ǵana kúndelіktі ashanadan ystyq tamaq alyp іshedі», - deıdі ol.
Aıta ketsek, oblysta búgіnde 72 myńnan astam oqýshy bar. Onyń 31 180-і – bastaýysh synypta oqıdy.