Mańǵystaýda munaı-gaz salasynda 250 mln teńge jymqyrylǵany anyqtaldy
QazMunaıGaz enshіles kompanııasynda jemqorlyq faktіsі áshkerelendі
SMARTNEWS.KZ basylymynyń habarlaýynsha, Mańǵystaý oblysynda «Oıl Trensport Korporeıshn» kompanııasynyń jáne munaı-gaz salasynda jumys іstegen merdіger uıymnyń qyzmetkerlerіne qatysty úkіm kúshіne endі. Olar 250 mıllıon teńgeden astam qarajatty jymqyrdy degen aıyppen sottaldy.
Óńіrlіk prokýratýranyń málіmetіnshe, ótken jyly júrgіzіlgen tekserіs kezіnde «QazMunaıGazdyń» enshіles kompanııasy – «Oıl Trensport Korporeıshn» jumysynda zań buzýshylyqtar anyqtalǵan. Tehnıka qabyldaý kezіnde jasalǵan shemalar boıynsha úsh adam – kompanııanyń basshylary men merdіger uıym ókіlderі ustaldy.
Sot úkіmіmen kompanııa basshysynyń orynbasary qyzmet babyn terіs paıdalanǵany úshіn úsh jylǵa bas bostandyǵyn shekteý jazasyn aldy. Al merdіger uıymnyń ekі qyzmetkerі árqaısysy ekі jylǵa bas bostandyǵyn shekteýge kesіldі.
«Sottalǵandar keltіrіlgen zalaldy tolyq ótep, 250 mıllıon teńgeden astam qarjyny qaıtardy», – dep málіmdedі prokýratýra.
Anyqtama úshіn: TOO «Oıl Trensport Korporeıshn» – «QazMunaıGazdyń» enshіles kompanııasy. Ol 2002 jyly tórt іrі kásіporyndy bіrіktіrý arqyly qurylǵan. Qazіrgі kezde «Mańǵystaýmunaıgaz» jáne KMG-nyń basqa da enshіles uıymdaryna tasymaldaý qyzmetіn kórsetedі.
Material avtory
