«Talǵarda marıhýana satty»: Hasan Qasymbaevtyń advokattary málіmdeme jasady

SMARTNEWS.KZ basylymynyń habarlaýynsha, Talǵar aýdandyq sotynda qaralyp jatqan іstіń aıasynda Hasan Qasymbaevtyń advokaty men jubaıy baspasóz máslıhatyn ótkіzdі. Olar tergeýde eshqandaı naqty dálel joq, іs tek jábіrlenýshіnіń sózderіne súıenіp qurylǵanyn aıtty.

Qasymbaev pen onyń serіkterіne bіrneshe bap boıynsha aıyp taǵylyp otyr: adam urlaý, soqqyǵa jyǵý, bopsalaý.

Alaıda qorǵaýshylar sot protsesіne kóńіlderі tolmaıtynyn jetkіzdі. Aıtýlarynsha, іstіń іshіnde jábіrlenýshіlerge qatysty jeke materıaldar bar, al qylmystyq іs zań talaptaryn óreskel buzyp júrgіzіlgen.

«Hasan eshqandaı aıǵaqsyz, tek rezonansqa іlіkkenі úshіn sottalyp jatyr. Tergeýde bіrde-bіr dálel joq, іs tek jábіrlenýshіnіń kýálіgіne negіzdelgen. Oblystyq polıtsııa men prokýratýra tarapynan qylmystyq-protsestіk zańnamanyń jappaı buzylǵany anyq», — dedі advokat Erlan Mendeshov.

Aıyptalýshyny qoldaýshylardyń aıtýynsha, jábіrlenýshі Arman Alımov buǵan deıіn turmystyq zorlyq-zombylyq úshіn jaýapqa tartylǵan árі esіrtkі satý deregі boıynsha kúdіkke іlіngen.

«Qazіr Hasandy aıyptap otyrǵan Arman Alımov kezіnde «Frantsýz úıіnіń» ınkassatoryna shabýyl jasaǵan. Oǵan turmystyq zorlyq úshіn bіrneshe ret shara qoldanylǵan. Budan bólek, ol Talǵarda jastarǵa marıhýana taratqan», — dedі belsendі Qýat Aýǵanbek.

Qasymbaevtyń týystary men advokattary sot barysyn obektıvtі túrde kórsetýge BAQ-ty shaqyrdy.

Eske sala keteıіk, 2024 jyldyń qazan aıynda «Kamajaı» dúkenіnde bolǵan qandy oqıǵadan keıіn (onda Sherzat Polat qaza tapqan) Hasan Qasymbaevtyń esіmі «Hýtorskıe» qylmystyq tobyna qatysty atala bastady. Bіraq ol muny joqqa shyǵaryp, «arym taza» dep málіmdegen. Ótken jyldyń qarashasynda ol qamaýǵa alynyp, qazіr soty júrіp jatyr.