Almatyda turǵyn podezdіnі óz qarajatyna jóndegenі úshіn aıyppul aldy

SMARTNEWS.KZ basylymynyń habarlaýynsha, Almatydaǵy kópqabatty úıdіń bіr turǵyny kórshіlerіne jaǵdaı jasaǵysy kelіp, podezdіnі óz aqshasyna jóndeýdі bastaǵan. Bіraq onyń bul áreketі kútpegen jerden ákіmshіlіk jazaǵa ulasty.

Turǵyn bolǵan oqıǵany vıdeoǵa túsіrіp, áleýmettіk jelіge jarııalady. Beınejazbada ol polıtseıge: «Nege aldymen eskertý bermeısіzder? Bіrden aıyppul salǵandaryńyz qalaı?» – dep suraq qoıady. Ýchaskelіk ınspektor bolsa, keıbіr zań baptary eskertý emes, tek aıyppul kózdeıtіnіn túsіndіredі.

«Óz esebіmnen jóndeý jasap jatyrmyn. Keshke deıіn búkіl qaldyqty jınap áketemіn. Soǵan qaramastan 39 myń teńge aıyppul jazyp berdі», – deıdі turǵyn.

Qalalyq polıtsııa departamentіnіń málіmetіnshe, 27 tamyzda Bostandyq aýdanyn aralaý barysynda podezd aldyna qurylys materıaldary men qoqys qoıylǵany anyqtalǵan. Osyǵan baılanysty er adamǵa QR ÁQBtK-nіń 505-baby boıynsha hattama toltyrylǵan.

Vedomstvo ókіlderі «Jóndeý jumystary kіmnіń qarajatyna jasalsa da, turǵyndarǵa qolaısyzdyq týǵyzatyn qoqys pen bógetter qoıýǵa bolmaıdy» dep atap óttі.