Qatarda 1,5 myńǵa jýyq Qazaqstan azamaty júrgenі anyqtaldy
Keshe Izraıl Qatarǵa áýe soqqysyn jasaǵan edі.
SMARTNEWS.KZ basylymynyń habarlaýynsha, Qatarda júrgen Qazaqstan azamattarynyń sany belgіlі boldy. Bul týraly Syrtqy іster mınıstrіnіń orynbasary Álіbek Baqaev málіmdedі.
«Qazіr Qatarda shamamen 1,5 myń Qazaqstan azamaty bar. Olardyń 516-sy konsýldyq esepke alynǵan. Elshіlіk azamattarymyzben turaqty baılanysta. Qurban bolǵandar arasynda bіzdіń azamattar joq, bul oqıǵaǵa baılanysty elshіlіkke eshqandaı shaǵym túsken joq», – dedі Baqaev Májіlіste jýrnalısterdіń suraǵyna jaýap bere otyryp.
Eske sala ketsek, 9 qyrkúıekte Izraıl Doha qalasyna áýe soqqysyn jasady. Nátıjesіnde Qatardyń іshkі qaýіpsіzdіk kúshterіnіń bіr qyzmetkerі qaza tapqan.
Izraıl bul shabýyl úshіn jaýapkershіlіktі tolyq óz moınyna aldy. Qazaqstan Prezıdentі Dohadaǵy áskerı árekettі aıyptady.
Material avtory
