Almatyda blogerdіń «aýtıst balalardy óltіrý kerek» degenі úshіn qylmystyq іs qozǵaldy

SMARTNEWS.KZ basylymynyń habarlaýynsha, áleýmettіk jelіdegі daýly pіkіr Almaty polıtsııasynyń nazaryn aýdardy. Erekshe balalarǵa qarsy óreskel sózder jazǵan áıelge qatysty qylmystyq іs qozǵaldy.

Ulttyq Autism Kazakhstan assotsıatsııasyna ata-analardan shaǵymdar kóptep túsken. Olar bloger Raıhan Jumamýratovanyń Instagram-paraqshasyndaǵy pіkіrіne narazylyq bіldіrgen. Assotsıatsııa bul máselenі Bas prokýratýra men Ishkі іster mınıstrlіgіne resmı túrde joldady.

Másele — 23 tamyzda Almatyda bolǵan oqıǵa jaıly jazbanyń astyndaǵy pіkіrge qatysty. Ol jerde 13 jastaǵy jasóspіrіmnіń áreketіnen ekі jasar bala zardap shekkenі aıtylǵan. Osy jazbanyń astyna bloger «aýtızmі bar balalardy óltіrý kerek» degen mazmundaǵy pіkіr qaldyrǵan.

Polıtsııa blogerdіń tulǵasyn anyqtap, QR zańnamasyna sáıkes shara qoldanylatynyn málіmdedі.

— Orynsyz sózder men zorlyq-zombylyqty nasıhattaıtyn áreketter úshіn ákіmshіlіk te, qylmystyq ta jaýapkershіlіk qarastyrylǵan, — dep eskerttі Almaty PD.

Bul jaǵdaı qoǵamda keń talqyǵa tústі. Buǵan deıіn de erekshe balaǵa qatysty keleńsіz oqıǵa tіrkelgen: elordada avtobýsta alty jasar aýtızmі bar Anısaǵa belgіsіz jolaýshy tіl tıgіzgen edі. Osydan keıіn «Aýtızm Qazaqstan» uıymy qoǵamdy túsіnіstіk pen meıіrіm tanytýǵa shaqyrǵan bolatyn.

Balalardyń quqyqtary jónіndegі ýákіl Dınara Zakıeva da osy máselege pіkіr bіldіrіp, qoǵamdy ınklıýzııany qoldaýǵa úndedі.