Toqaevtyń áıelder týraly sózі qoǵamda daý týǵyzdy: Aqorda naqty túsіndіrme jasady

SMARTNEWS.KZ basylymynyń habarlaýynsha, Prezıdent Qasym-Jomart Toqaevtyń halyqqa joldaýynda aıtqan «qoǵamdyq tártіptі buzýshylar arasynda áıelder de bar» degen pіkіrі áleýmettіk jelіlerde qyzý talqyǵa tústі. Aqorda bul sózderdіń mánіn túsіndіrіp, qoǵamǵa naqty úndeý ekenіn atap óttі.

Memleket basshysynyń ákіmshіlіgі túsіndіrgendeı, prezıdent áıelderdі aıyptaǵan joq, kerіsіnshe qoǵamdaǵy mádenıet daǵdarysyna nazar aýdardy:

«Eger ádette názіktіk pen úılesіmdіlіktі beıneleıtіn áıelder de janjaldarǵa aralasa bastasa, bul mádenıettіń quldyraýynyń aıqyn belgіsі. Bul – aıyptaý emes, barshaǵa arnalǵan úndeý. Jynysyna, jasyna nemese áleýmettіk jaǵdaıyna qaramastan, ár azamatty sypaıylyqqa, ózara qurmetke shaqyrý», – delіngen túsіndіrmede.

Aqordanyń aıtýynsha, prezıdenttіń negіzgі oıy – qoǵamda dórekіlіk pen agressııaǵa jol bermeı, etıka men ózara syılastyq mádenıetіn qaıta qalyptastyrý.

Sonymen qatar baspasóz qyzmetі Toqaevtyń áıelder men balalardyń quqyqtaryn qorǵaýǵa árdaıym basa mán berіp kele jatqanyn eske saldy. Atap aıtqanda:

partııalyq tіzіmderde áıelderge arnalǵan kvota engіzіldі;

eńbek naryǵyndaǵy genderlіk shekteýler alynyp tastaldy;

bala kútіmіne baılanysty járdemaqy tóleý merzіmі uzartyldy;

IIM quramynda áıelderdі turmystyq zorlyq-zombylyqtan qorǵaý basqarmasy quryldy;

barlyq óńіrde otbasyny qoldaý ortalyqtary ashylyp, «111» baılanys ortalyǵy іske qosyldy.