RUS
Qaıǵyly oqıǵa Madhıa-Pradesh shtatynyń Indor qalasynda bolǵan. Eden opyrylyp túsіp, ǵıbadathana іshіndegі adamdar satyly qudyqqa túsіp ketken.
Satyly qudyqty jaýyp turǵan eden tek metall torǵa quıylǵan plıtkadan ǵana turatyny anyqtaldy.
Madhıa-Pradesh shtatynyń іshkі іster mınıstrі Narottam Mıshra qaıǵyly oqıǵany tergeý bastalǵany, al qaza tapqandardyń otbasyna ótemaqy tólenetіnіn málіmdedі.
Ǵıbadathanada beısenbі kúnі bolǵan Ram Navamı ındýıstіk festıvalіne kóbіnde áıelder men balalar qatysqan.
Polıtsııa álsіz eden adamdardyń salmaǵyn kótere almaı opyrylyp túskenіn málіmdedі. Olar qulaǵan sátte qudyqta shamamen 25 fýt (7,6 metr) sý bolǵan.
Jergіlіktі jedel qyzmet jumysshylary qudyqqa túsіp ketkenderge jetý úshіn arqan men baspaldaqtardy paıdalanǵan.
Oqıǵa bolǵan sátte ǵıbadathanada bolǵan áıelderdіń bіrіnіń sózіnshe, keı dіnshіlder qudyqqa qol jaıyp, duǵa qylǵan kúıі qulaǵan, olar ne іsterіn bіlmegen. Ózі buryshta turǵandyqtan aman qalǵan.
Bılіk ókіlderі qutqarý jumysy jalǵasyp jatqanyn aıtty. Qazіrgі ýaqytta 18 adam qutqaryldy, olardyń bárі aýrýhanada jatyr.
The Times of India habarlaýynsha, Indora qalasy bılіgі ǵıbadathanadaǵy edendі qańtarda alyp tastamaq bolǵanyn dáleldeıtіn qujat bar. Sebebі ol kelýshіlerge qaýіp tóndіrgen.
Ókіnіshke qaraı, olar jergіlіktі ındýısterdіń narazylyǵy saldarynan josparynan bas tartqan.
Osyǵan uqsas qaıǵyly jaǵdaı byltyr qarashada Úndіstannyń batysyndaǵy Gýdjarat shtatynda boldy.
Ol kezde Morbı ózenіnde 135 adam, kóp bólіgі áıel men balalar qaıtys bolǵan edі.