Ózіn bankrot dep jarııalaǵandar 5 jyl boıy nesıe ala almaıdy – mınıstrlіk

«Nazarǵa sala ketsek, sotsyz bankrot dep tanylǵan azamattar sol kúnnen bastap bes jyl іshіnde bankter men mıkroqarjy uıymdarynan kredıt ala almaıdy», – dedі Erjan Bіrjanov ortalyq kommýnıkatsııalar qyzmetі alańynda ótken baspasóz máslıhatynda.

Vıtse-mınıstrdіń aıtýynsha, sotsyz bankrot dep tanylmaǵan azamattar araǵa 3 aı salyp qaıta ótіnіsh bere alady.

«Azamattardyń jeke málіmetterі boıynsha derekter bazasyna quzyrly memlekettіk organdar jaýapty ekenіn eske salǵym keledі. Joǵarǵy sottyń málіmetterіne sáıkes búgіnde tólem qabіlettіlіgіn qalpyna keltіrý nemese bankrottyqty sot arqyly rásіmdeý týraly 139 tulǵa ótіnіsh bіldіrіp, aryz bergen», - deıdі ol.