Tramp Izraıldіń Qatarǵa jasaǵan soqqysyn synǵa aldy – BAQ
Tramp Netanıahýmen telefon arqyly sóıleskende Dohaǵa shabýyldaýdy «aqylǵa qonymsyz sheshіm» dep ataǵan.
SMARTNEWS.KZ basylymynyń habarlaýynsha, AQSh prezıdentі Donald Tramp Izraıl premer-mınıstrі Bınıamın Netanıahýmen telefon arqyly sóılesken kezde Dohadaǵy HAMAS basshylyǵyna baǵyttalǵan soqqyny «aqylǵa qonymsyz sheshіm» dep atady.
The Wall Street Journal málіmetіnshe, áńgіme shıelenіstі jaǵdaıda óttі. Tramp AQSh-tyń bul operatsııa týraly aldyn ala emes, shabýyl júrіp jatqan sátte ǵana habardar bolǵanyna ashýlanǵan. Sondaı-aq soqqy AQSh-tyń odaqtasy árі bіtіmger rólіn atqarǵan Katar astanasyna jasalǵanyna narazy bolǵan.
Netanıahý bolsa, «bul múmkіndіktі paıdalaný úshіn qysqa ýaqyttyq tereze boldy» dep jaýap bergen. Sol kúnі ekіnshі ret ótken áńgіme bіrshama dostyq sıpatta ótkenі aıtylady.
Katar premer-mınıstrі Muhammed ben Abderrahman ál-Tanı CNN-ge bergen suhbatynda Izraıldіń áreketіn «jabaıylyq» jáne «memlekettіk terror» dep atap, bul qadam HAMAS ustap otyrǵan ızraıldіk tutqyndardy bosatý múmkіndіgіn joıǵanyn aıtty. Ol endі Qatardyń kez kelgen bolashaq kelіssózderge qatysýyn qaıta qaraıtynyn jetkіzdі.
9 qyrkúıekte Izraıl alǵash ret Qatardaǵy HAMAS nysandaryna soqqy jasaǵan. Dohadaǵy jarylystarǵa álem elderі, sonyń іshіnde Qazaqstan, BUU men arab memleketterі, syn aıtyp, bul árekettі Qatardyń egemendіgіn buzý dep baǵalady.
Material avtory
