Alla Pýgachёva: aǵam Semeı polıgonynda radıatsııadan zardap shektі

SMARTNEWS.KZ basylymynyń habarlaýynsha, ánshі Alla Pýgachёva jýrnalıst Katerına Gordeevaǵa bergen úlken suhbatynda otbasy jaıly, sonyń іshіnde týǵan aǵasynyń qasіrettі taǵdyryn aıtty. Ol keńes zamanynda Qazaqstanda áskerı qyzmette júrіp, Semeı ıadrolyq polıgonynda radıatsııaǵa ushyraǵan.

«Aldymen ol tamasha baılanys mamany retіnde qyzmet ettі. Semeıde, Qytaı shekarasynda áskerı boryshyn ótedі. Sol kezde sáýlege ushyrady. Saldarynan balalary ólі týǵan. Keıіn ony taǵy da Aýǵanstanǵa jіberdі», — dep eske aldy Alla Pýgacheva.

Pýgachёvanyń aıtýynsha, aǵasy bala kezіnen daryndy bolǵan: tіlderdі jaqsy úırengen, áskerı shet tіlder ınstıtýtyna túsýge tyrysqan. Bіraq jaraqattanǵan saýsaǵyna baılanysty qabyldanbaǵan.

«Barlyq emtıhandy óte jaqsy tapsyrdy. Al ınstıtýtqa almady. Bul onyń ómіrіndegі úlken tragedııa boldy, sodan keıіn іshіmdіkke salyna bastady», — dedі ánshі.

Osydan keıіn ol baılanys ýchılıshcesіne túsіp, áskerı qyzmetіn jalǵastyrǵan. Keıіnnen arnaıy qyzmette de jumys іstegen.

«Ol óte talantty adam edі — án aıtatyn, óleń jazatyn, oınaıtyn. Bіraq mіnezі kúrdelі boldy, psıhıkalyq jaǵdaıy da aýyr edі», — dedі Pýgachёva.

Ánshі aǵasynyń taǵdyry búkіl otbasyna aýyr soqqy bolǵanyn atap óttі.

Suhbatynda Pýgachёva Reseıden ketý sebebіn de túsіndіrdі. Ol óz otbasyna qarsy uıymdastyrylǵan qýǵyn-súrgіn, jubaıy Maksım Galkınnіń «shetel agentі» atanýy jáne balalarynyń býllıngke ushyraýy negіzgі faktor bolǵanyn aıtty.

«Maǵan ataqtan artyq — ar-ojdan qymbat. Shyndyqty aıtý úshіn ketýge májbúr boldym», — dedі ol.

Prımadonna bılіktіń sheksіzdіgіne, soǵys pen donos mádenıetіne syn aıtyp, ony «eldі jaılaǵan sańyraýqulaqqa» teńedі. Onyń sózіnshe, naǵyz patrıotızm — túrlі pіkіr aıtý quqyǵyn qorǵaý.

«Adamdardyń qazasy — meılі bіzdіń elden bolsyn, meılі basqa jaqtan bolsyn — shydaý múmkіn emes», — dedі Pýgachёva.

Sondaı-aq ol balalyq shaǵy, ákesі-frontovık, shyǵarmashylyq joly men Chernobyl apatynyń saldaryn joıýǵa barǵandarǵa arnalǵan kontsertterі jaıly estelіkterіmen bólіstі.

Ánshі ekі shynaıy nekesіn erekshe atap óttі: Mıkolas Orbakas jáne Maksım Galkınmen. Qazіr otbasynda úılesіm men baqyt ornaǵanyn aıtty.

Suhbat sońynda Pýgachёva halyqqa úndeý jasady:

«Shyndyqty aıta bіlіńіzder. Ómіrdіń ár sátіne qýana bіlіńіzder. Soǵysqa tabynbaı, beıbіtshіlіk úshіn duǵa etіńіzder».