RUS
Manhetten Úlken qazylar alqasynyń múshelerі beısenbі kúnі AQSh-tyń eks-prezıdentіne qylmystyq іs boıynsha resmı túrde aıyp taǵylýyn daýysqa salǵan.
Donald Tramp bul jaǵdaıdy «saıası qýdalaý jáne tarıhtaǵy saılaýǵa aralasýdyń eń joǵarǵy deńgeıі» dep ataǵan. Ol osyǵan deıіn de ózіne taǵylyp otyrǵan aıyptaýlardyń negіzsіz ekenіn málіmdegen-dі.
Burynǵy vıtse-prezıdent Maık Penstіń de pіkіrі osyǵan saıady.
«Amerıkalyqtardyń basym kópshіlіgіne bul Manhettennіń okrýgtіk prokýrory júrgіzіp otyrǵan saıası qýdalaý ekenі túsіnіktі dep oılaımyn. Ol naqty bіr amerıkalyqqa aıyp taǵylýyn kádіmgіdeı nasıhattady», - deıdі ol.
Al, AQSh Prezıdentі Djo Baıden ázіrge bul jaıtqa qatysty eshqandaı pіkіr bіldіrmedі.
Tramp el tarıhynda qylmystyq іs boıynsha aıyp taǵylǵan alǵashqy eks-prezıdent bolyp otyr. Buǵan deıіn habarlanǵanyndaı, sebep – 2016 jylǵy saılaý naýqanynda pornoaktrısaǵa «aýyzbastyryq» berіlýі.