Qatar premerі Izraıldіń soqqysy úshіn Tramppen kezdespek
Tramp Netanıahý qıt etse bіreýdі bombylaı beredі dep málіmdegen edі.
SMARTNEWS.KZ basylymynyń habarlaýynsha, Qatardyń premer-mınıstrі sheıh Mohammed bın Abdýlrahman bın Djassım Ál Tanı aldaǵy kúnderі Nıý-Iork pen Vashıngtonǵa saparlap, AQSh prezıdentі Donald Tramppen jáne joǵary laýazymdy tulǵalarymen kezdesedі. Kelіssózdіń basty taqyryby — Izraıldіń Dohadaǵy «Hamas» saıası bıýrosyna jasaǵan soqqysy.
Basylymnyń deregіnshe, katarlyq úkіmet basshysy AQSh-ta vıtse-prezıdent Djeı Dı Venspen, memlekettіk hatshy Marko Rýbıomen jáne prezıdenttіń arnaıy ókіlі Stıv Ýıtkoffpen de júzdesedі.
Politico atap ótkendeı, Aq úıde Izraıl premerі Bınıamın Netanıahýǵa narazylyq artyp keledі. Sebebі AQSh ákіmshіlіgі «Hamaspen» kelіssózder júrgіzý úshіn kópten berі kúsh salyp jatqanda, Izraıldіń árbіr áýe shabýyly protsestі úzіp tastaıdy.
«Ár joly іlgerіleý bolǵan sátte ol (Netanıahý) bіreýdі bombylaıdy», — dedі Tramp komandasyna jaqyn derekkóz.
Qatar premerі BUU Qaýіpsіzdіk keńesіnde sóılegen sózіnde AQSh pen Izraıl áreketterіnіń aıyrmashylyǵyna nazar aýdardy. Ol mysal retіnde Dohada ornalasqan «Talıban» saıası bıýrosyn keltіrіp, Vashıngton eshqashan kelіssóz júrgіzýshіlerge soqqy bermegenіn eske saldy.
«Dál sol arna Aýǵanstandaǵy soǵysty toqtatqan kelіsіmge alyp keldі», — dedі ol.
Al Izraıl, onyń pіkіrіnshe, jazasyzdyqqa senіp, órkókіrek saıasat ustanyp otyr.
Eske salsaq, Izraıl armııasy (TSAHAL) 9 qyrkúıekte Dohada «Otty shyń» («Ognennaıa vershına») operatsııasyn júrgіzgen edі. Soqqy kezіnde «Hamas» jetekshіlerіnіń bіrі Halıl ál-Haııdіń uly Hammam qaza tapty.
Arab álemіndegі bіrneshe memleket endі Izraıl óz aýmaqtaryna da shabýyl jasaýy múmkіn dep qaýіptenіp, AQSh-tan resmı kepіldіk berýdі suraı bastaǵan.
Material avtory
