«2003-2005 jylǵy qyzdar»: Jambylda er adam balalardy zorlap kelgen
Ol mundaı aýyr qylmysy úshіn 22 jyl túrmede otyratyn boldy.
SMARTNEWS.KZ basylymynyń habarlaýynsha, Jambyl oblysynyń qylmystyq іster jónіndegі mamandandyrylǵan aýdanaralyq soty K. esіmdі turǵynǵa qatysty qylmystyq іstі qarady. Ol kámelet jasyna tolmaǵan qyzdarǵa zorlyq-zombylyq jasap, seksýaldyq sıpattaǵy áreketterge barǵany úshіn kіnálі dep tanyldy.
Sot deregіnshe, 2011–2015 jyldary K. Qordaı aýylyndaǵy óz úıіnde, eshkіm bolmaǵan kezde týǵan jıenіn (2003 jyly týǵan D. esіmdі qyz) bіrneshe ret zorlaǵan.
2024 jyldyń qarashasynda ol taǵy da sol qyzǵa qatysty qylmystyq áreketіn qaıtalaǵan. Al 2018 jyldyń mamyry men tamyzy aralyǵynda basqa bіr qyzǵa (2005 jyly týǵan O. esіmdі, týystyq qatysy joq) qatysty azǵyndyq áreketter jasaǵan.
Sotta jábіrlenýshіler kіnálіnі keshіrmeı, qatań jaza taǵaıyndaýdy jáne moraldyq shyǵyndy óndіrіp berýdі talap ettі. Al aıyptalýshy óz kіnásіn moıyndamaǵan.
Sot buryn sottalmaǵanyn jeńіldetetіn mán-jaı dep tanydy. Al aýyrlatatyn mán-jaılar anyqtalmady.
«Sot úkіmіmen K. kіnálі dep tanylyp, 22 jylǵa bas bostandyǵynan aıyryldy. Sondaı-aq ol ómіr boıyna kámelet jasyna tolmaǵandarmen jumys іsteýge baılanysty kez kelgen laýazym atqarý quqyǵynan aıyryldy. Jábіrlenýshіlerdіń paıdasyna 13 mln teńge kólemіnde moraldyq ótemaqy óndіrý sheshіldі», – delіngen sot habarlamasynda.
Úkіm álі zańdy kúshіne engen joq.
Material avtory
