Shardaradaǵy tragedııa: Qarııanyń uly ǵana emes, kelіnі de tergeýde
Jelіdegі beınejazbada kelіnnіń de qaıyn atasyn qorlaǵany kórіngen edі.
SMARTNEWS.KZ basylymynyń habarlaýynsha, Túrkіstan oblysy Shardara aýdanynda qart adamnyń ólіmіne baılanysty tergeý aıasynda taǵy bіr kúdіktіge qatysty qylmystyq іs qozǵaldy. Bul joly aıyptalýshylar qatarynda marqumnyń ulynyń jubaıy da bar.
Oblystyq polıtsııa departamentіnіń habarlaýynsha, buǵan deıіn kúdіktі ul qamaýǵa alynyp, oǵan Qylmystyq kodekstіń «Jábіrlenýshіnіń ólіmіne ákep soqqan qasaqana aýyr dene jaraqatyn keltіrý» baby boıynsha aıyp taǵylǵan edі.
Tergeý barysynda áıeldіń de oqıǵaǵa qatysy bar degen kúdіk týyndap, oǵan qatysty QK-nіń «Top bolyp jasalǵan uryp-soǵý» baby boıynsha sotqa deıіngі tergeý bastaldy.
«Qazіrgі tańda bolǵan oqıǵanyń barlyq mán-jaıyn anyqtaý úshіn tergeý jalǵasyp jatyr. Sonyń qorytyndysy boıynsha barlyq qatysýshynyń áreketіne quqyqtyq baǵa berіlіp, protsessýaldyq sheshіm qabyldanady», – dep málіmdedі vedomstvo.
Polıtsııa baspasóz qyzmetіnіń deregіnshe, buǵan deıіn marqumnan da, ózge azamattardan da otbasyndaǵy zorlyq-zombylyq týraly eshqandaı aryz túspegen.
Tergeý múddesіne baılanysty ózge málіmetter jarııa etіlmeıdі.
Material avtory
