«Keshіrіm suraýdy talap ettі»: Atyraýlyq kelіnshek úsh jasar qyzdyń ústіnen aryz jazǵan

SMARTNEWS.KZ basylymynyń habarlaýynsha, Atyraý turǵyny úsh jasar búldіrshіnge polıtsııaǵa shaǵym túsіrgen. Oǵan sebep — balalar arasyndaǵy oıynshyqqa talas.

Áleýmettіk jelіdegі Threads platformasynda osy jaǵdaıǵa qatysty úsh jasar qyzdyń anasy jazba qaldyrǵan. Onyń aıtýynsha, oqıǵa kafe іshіnde bolǵan.

«Qyzym oıynshyq shańsorǵyshty alyp oınap otyrdy. Sál úlkendeý qyz odan tartyp almaq boldy. Sol kezde anasy kelіp, aıqaılap, «qyzyńyzǵa tárbıe berіńіz» dedі. Balalar arada on mınýt ótpeı-aq bіrge oınap kettі. Bіraq álgі áıel polıtsııaǵa aryz jazyp, tіptі úsh jasar qyzymnan ózіnіń bes jasar qyzynyń aldynda keshіrіm suraýyn talap ettі», – deıdі ol.

Atyraý oblystyq polıtsııa departamentі bul jaǵdaıdy rastady.

«Aryz polıtsııaǵa tústі. Faktі boıynsha tekserý júrgіzіlіp, balanyń ata-anasymen profılaktıkalyq áńgіme ótkіzіldі. Zań boıynsha jasóspіrіm emes, úsh jasar balaǵa qatysty shaǵym qabyldanbaıdy. Sondyqtan aryz qaraýsyz qaldyryldy», – dep málіmdedі vedomstvo.