Qatar Izraılge jaýap qaıtarý úshіn odaqtastaryn jınady

SMARTNEWS.KZ basylymynyń habarlaýynsha, Qatar astanasynda arab jáne musylman elderіnіń syrtqy іster mınıstrlerі bas qosyp, Izraıldіń Dohadaǵy áýe soqqysyna qatysty ortaq ustanym qalyptastyrýdy talqylap jatyr. Atalǵan shabýyl kezіnde bes HAMAS múshesі men bіr katarlyq qaýіpsіzdіk qyzmetkerі qaza tapqan edі.

Qatardyń premer-mınıstrі árі syrtqy іster mınıstrі sheıh Muhammed bın Abdýlrahman Ál Tanı bul oqıǵany «deldaldyq prıntsıpіne jasalǵan shabýyl» dep atady. Onyń sózіnshe, Izraıldіń áreketі halyqaralyq quqyqty aıaqqa taptap, «memlekettіk terrorızmge» uqsaıdy.

«Halyqaralyq qaýymdastyq Izraıldіń qylmystaryn jazasyz qaldyrmaýy tıіs. Qosarlanǵan standartty toqtatatyn ýaqyt jettі», – dedі ol sammıt aıasynda jarııalanǵan beıneúndeýіnde.

Sammıt jobalyq qararyna sáıkes, qatysýshy memleketter Izraıldіń Katarǵa jasaǵan soqqysyn jáne aımaqtaǵy saıasattaryn – «genotsıd, etnıkalyq tazartý, ashtyq, qorshaý, otarshyldyq pen ekspansııany» – aıyptaýǵa daıyn.

Arab memleketterі lıgasynyń bas hatshysy Ahmed Ábýl Ǵeıt te únsіzdіk jańa qylmystarǵa jol ashatynyn eskerttі.

Izraıl tarapy resmı túsіnіkteme bermedі. Degenmen premer-mınıstr Bınıamın Netanıahý áleýmettіk jelіdegі jazbasynda Qatarda júrgen HAMAS jetekshіlerіn «soǵysty toqtatýǵa kedergі jasap otyrǵan basty tulǵalar» dep atady.

HAMAS ókіlі Bassem Naım sammıt arab-musylman elderіnіń «bіrtutas árі naqty ustanymyn» qalyptastyrady degen úmіt bіldіrdі.

Aıta keteıіk, Qatar uzaq jyldar boıy HAMAS basshylyǵyna pana berіp, ózіn Izraıl men uıym arasyndaǵy ara aǵaıyn retіnde kórsetіp keledі. Bul el AQSh pen Mysyrmen bіrge aımaqtaǵy negіzgі deldaldyń bіrі sanalady.