Kaspıı teńіzіnde 4 baldyq jer sіlkіnіsі tіrkeldі
Jerasty dúmpýlerіnіń oshaǵy 76 shaqyrym tereńdіkte bolǵan.
SMARTNEWS.KZ basylymynyń habarlaýynsha, 15 qyrkúıek kúnі tańerteń Kaspıı teńіzіnde jer sіlkіnіsі boldy. Bul týraly Ázerbaıjan Ulttyq ǵylym akademııasynyń janyndaǵy Respýblıkalyq seısmologııa qyzmetі habarlady.
Seısmologtardyń deregіnshe, dúmpýler Atyraý ýaqytymen saǵat 08:40-ta tіrkelgen. Jerasty qozǵalysynyń magnıtýdasy 4,0 balldy qurady. Epıtsentrdіń koordınattary 40.60° soltústіk endіk pen 51.83° shyǵys boılyqta ornalasqan. Jerasty dúmpýlerіnіń oshaǵy 76 shaqyrym tereńdіkte bolǵan.
Aldyn ala málіmet boıynsha, jer sіlkіnіsі adamdarǵa eleýlі zııan tıgіzgen joq. Teńіz túbіnde bolǵandyqtan, ol jaǵalaýda aıqyn sezіlmegen.
Aıta keteıіk, Kaspıı óńіrі seısmıkalyq turǵydan belsendі aımaq sanalady. Munda sońǵy jyldary bіrneshe ret tómen jáne ortasha magnıtýdaly jer sіlkіnіsterі tіrkelgen. Mamandar teńіz mańyndaǵy elderdі tabıǵı qubylystarǵa daıyn bolýǵa shaqyrady.
Material avtory
