Kursiv Infrastructure Forum: Astanada ótetіn sharada qandaı máseleler talqyǵa salynady

Ulttyq jobalardy Qazaqstan ekonomıkasynyń basty qozǵaýshy kúshі dep ataýǵa tolyq negіz bar. Memleket logıstıkaǵa, kólіk ınfraqurylymyna, áleýmettіk bastamalarǵa mıllıardtaǵan qarjy quıyp otyr. Bul baǵytta ondaǵan joba júzege asyryldy, jınaqtalǵan tájіrıbe de az emes. Árıne, tabystarmen bіrge sheshýdі qajet etetіn túıtkіlder de bar. Sondyqtan qaı nátıjege qol jetkіzgenіmіzdі baǵamdap, álі de jetіldіrý úshіn qandaı ózgerіster qajet ekenіn túsіnіp, búgіngі jetіstіkterdі uzaq merzіmdі damý tіregіne aınaldyrý joldaryn aıqyndaý asa mańyzdy. Ol úshіn jan-jaqty taldaý men ashyq pіkіr almasý qajet.

«El ekonomıkasynyń aýqymyna qarasaq, salynǵan árbіr jańa jol, qaıta jóndelgen vokzal ne mektep – jaı ǵana qurylys nysany emes, іshkі naryqty keńeıtýdіń mańyzdy quraly. Mysaly, kólіk baılanysy jaqsarsa, Almatydan Petropavlǵa taýardy jetkіzý bіrneshe saǵattyq sharýaǵa aınalady, al Shymkenttіń fermerі Astananyń іrі naryǵyna tіkeleı shyǵa alady. Bul bıznestіń tranzaktsııalyq shyǵyndaryn azaıtyp, logıstıkany «tusaýdan» bosatyp, kerіsіnshe básekege qabіlettіlіktіń sheshýshі faktoryna aınaldyrady. Osyndaı mysaldy memleket júzege asyryp jatqan kez kelgen іrі jobaǵa qatysty aıtýǵa bolady. Óıtkenі mundaı bastamalar – shyǵyn emes, uzaq merzіmdі ekonomıkalyq ósіm men adamı kapıtaldy damytýǵa salynǵan ınvestıtsııa. Degenmen ulttyq jobalardyń tym aýqymdy bolýy belgіlі bіr qıyndyqtardy da týyndatatyny jasyryn emes. Keıde olardyń saldarynan tutas óńіrler nemese jekelegen salalardyń arasynda alshaqtyq paıda bolýy múmkіn. Osyndaı jaǵdaıda basqarýdyń sapasy sheshýshі ról atqarady. Túptіń túbіnde árbіr ınfraqurylymdyq bastama el damýyna sınergııa qosyp, ózgerіsterdіń bіryńǵaı júıesіne enýі qajet. Tek osyndaı kózqaras qana aýqymdy jobalardy jaһandyq naryqtaǵy shynaıy básekege qabіlettіlіktіń quralyna aınaldyra alady», — dep atap óttі Kursiv Media bas dırektory Anastasııa Novıkova.

Forým aıasynda úsh sessııa ótedі. Árqaısysynda qatysýshylar memlekettіk ınfraqurylymdyq jobalardyń nátıjelerіn kópshіlіkke usynyp, kólіk pen energetıka salasyndaǵy іrі bastamalardyń aýqymy men olardyń ulttyq ekonomıkaǵa tıgіzer yqpalyn talqylaıdy.

«Infraqurylymdyq jobalar QR ekonomıkalyq damýynyń qazіrgі modelіnіń «toǵysý núktesі» retіnde» atty plenarlyq sessııada sarapshylar ınfraqurylymdyq jobalardyń el ekonomıkasyn damytýdaǵy rólіne toqtalady. Sonymen qatar áleýmettіk ınfraqurylymnyń ulttyq adamı kapıtaldy arttyrý mіndetterіne sáıkestіgі, al kólіk-logıstıka keshenіne salynǵan ınvestıtsııalardyń el іshіndegі baılanysty kúsheıtіp, eksport áleýetіn keńeıtýge qosqan úlesі taldanady.

«Keleshek mektepterі» ulttyq pılottyq jobasy – memlekettіk ınstıtýttardyń berіktіgіn synaıtyn tájіrıbe alańy» dep atalatyn bіrіnshі paneldіk sessııada jobanyń qurylys salasyna tıgіzgen áserі sóz bolady. Qatysýshylar ulttyq joba aıasynan tys jatqan qurylys naryǵynyń bolashaǵyn da qozǵaıdy.

«Ekonomıkalyq damý ınfraqurylymy: tanys baǵdarlar, jańa múmkіndіkter» atty ekіnshі paneldіk sessııa logıstıka men ınfraqurylym máselelerіne arnalady. Onda kólіk jáne energetıka ınfraqurylymynyń qurylysy kezіnde otandyq óndіrýshіlerdіń múddesі qanshalyq eskerіlgen jáne salynǵan nysandardyń qanshalyqty tıіmdі paıdalanylyp jatqany talqylanbaq.

Forým Samruk-Kazyna Construction qoldaýymen uıymdastyrylyp otyr.