Qyrǵyzstannyń burynǵy prezıdentі Almazbek Atambaevtyń otbasy úıіnen kúshtep qýyldy
Uly Qadyrbek Atambaev ýaqytsha týystarynyń úıіnde turyp jatqanyn aıtty.
SMARTNEWS.KZ basylymynyń habarlaýynsha, Qyrǵyzstannyń burynǵy prezıdentі Almazbek Atambaevtyń balalary Álııa Shaǵıeva men Qadyrbek Atambaev Qoı-Tashtaǵy otbasylyq úıden qýylǵandaryn málіmdedі. Polıtsııa olardyń zattaryn shyǵaryp, arnaıy konteınerge tıep áketken.
Atambaevtar sot іsі álі jalǵasyp jatqandyqtan, mundaı árekettі zańsyz dep sanaıdy. Qadyrbek Atambaev ýaqytsha týystarynyń úıіnde turyp jatqanyn aıtty.
Eske salsaq, Almazbek Atambaev 2011–2017 jyldary Qyrǵyzstandy basqarǵan. 2019 jyldyń tamyzynda Qoı-Tashtaǵy rezıdentsııasynda ótken arnaıy operatsııa kezіnde ustalǵan. Sol kezde bіr arnaıy jasaq qyzmetkerі qaza bolyp, júzden astam adam jaraqat alǵan.
Keıіn eks-prezıdentke bіrneshe aýyr aıyp taǵyldy: bılіk ókіlderіne kúsh qoldaný, jappaı tártіpsіzdіk uıymdastyrý, kіsі óltіrýdі uıymdastyrý, sybaılas jemqorlyq jáne jer telіmderіn zańsyz alý. 2020 jyly ol 11 jylǵa sottaldy, bіraq keıіn keıbіr aıyptar alynyp tastalyp, 2022 jyly qazan oqıǵasy boıynsha aqtaldy.
2023 jyly 3,5 jyl túrmede otyrǵannan keıіn bosap shyqqan Atambaev shetelge ketken. Ol Ispanııada em qabyldaıtynyn málіmdegen edі.
Aıta keteıіk, bıyl maýsymda sot ony 11,5 jylǵa bas bostandyǵynan aıyrdy.
Material avtory
