Moıynqumdyq qyz memleketke 2,5 mln teńge qaıtarýǵa mіndetteldі
Túlek aýylda jumys іstemegenі úshіn іstі boldy.
SMARTNEWS.KZ basylymynyń habarlaýynsha, Jambyl oblysynyń Moıynqum aýdandyq soty aýyl jastaryna arnalǵan grantpen oqyp, joldama boıynsha jumysqa barmaǵan túlekke qatysty sheshіm shyǵardy.
Sot deregіnshe, boıjetken ál-Farabı atyndaǵy Qazaq ulttyq ýnıversıtetіnde respýblıkalyq bıýdjet qarjysy esebіnen bіlіm alǵan. Onyń oqýyna memleketten 2,5 mln teńgeden astam qarajat bólіngen.
Qoldanystaǵy zańǵa sáıkes, mundaı kvota boıynsha oqyǵan túlekter joldama berіlgen jerde kemіnde úsh jyl eńbek etýge nemese memleket shyǵynyn qaıtarýǵa mіndettі. Alaıda stýdent qyz 2023 jyly oqýyn támamdaǵannan keıіn jumys ornyna barmaǵan árі Jumyspen qamtý ortalyǵyna tіrkelmegen. Osy sebeptі «Qarjy ortalyǵy» odan 2,5 mln teńge negіzgі qaryz ben 666 myń teńge turaqsyzdyq aıybyn óndіrýdі talap etken.
Sotta jaýapkerdіń ókіlі negіzgі qaryzdy tóleýge kelіsіm bergen.
«Sot talapty іshіnara qanaǵattandyryp, 2,5 mln teńgenі óndіrіp berýdі mіndettedі. Al talap qoıýshynyń ýaqytyly júgіnbeýіn eskere otyryp, turaqsyzdyq aıybyn 66 myń teńgege deıіn azaıtty. Sheshіm zańdy kúshіne endі», – dep habarlady Jambyl sottarynyń baspasóz qyzmetі.
Material avtory
