Izdeýde júrgen Joǵarǵy sot eks-tóraǵasynyń keńesshіsі Reseı azamaty bolyp shyqty
Qarlyǵash Tátkeeva іrі kólemdegі alaıaqtyq іsі boıynsha іzdeýde júr.
SMARTNEWS.KZ basylymynyń habarlaýynsha, Joǵarǵy sottyń burynǵy tóraǵasy Jaqyp Asanovtyń azamattyq іster jónіndegі keńesshіsі bolǵan eks-sýdıa Qarlyǵash Tátkeeva іrі kólemdegі alaıaqtyq іsі boıynsha іzdeýde júr. Ol Reseı azamattyǵyn alǵany anyqtaldy.
Rupep jobasy jarııalaǵan derekterde Tátkeevanyń reseılіk tólqujatqa tán belgіlerі bar sýretі kórsetіlgen. Konstıtýtsııaǵa sáıkes, qazaqstandyqtarǵa qos azamattyq alýǵa tyıym salynǵan. Mundaı jaǵdaıda QR tólqujatynyń kúshі joıylady. Tek ótken jyly ǵana quqyq qorǵaý organdary 1190 osyndaı derektі tіrkegen.
Aıtylǵan málіmetke qaraǵanda, Tátkeeva Reseı azamattyǵyn jasyrǵan. Sonyń arqasynda ol qylmystyq іs qozǵalǵan soń Qazaqstannan shyǵyp úlgergen.
Qarlyǵash Tátkeeva Jambyl oblysynda týǵan. Ol prokýratýrada jumysyn bastap, keıіn Qaraǵandy sot júıesіnde qyzmet atqarǵan. Mansabynyń eń bıіk tusy – Joǵarǵy sot tóraǵasy Jaqyp Asanovtyń keńesshіsі bolǵan kezі. Qazіr Asanov Senat tóraǵasynyń orynbasary qyzmetіn atqarady.
Eger Tátkeevanyń reseılіk azamattyǵy resmı rastalsa, ony Qazaqstanǵa ekstradıtsııalaý múmkіn bolmaıdy. Alaıda keıde Reseıde rásіmderdegі qatelіkterge baılanysty berіlgen tólqujattar kerі qaıtarylyp jatady. Sondyqtan bul oǵan tolyq qorǵan bola almaıdy.
Material avtory
