Aqtaýdyń bas prokýrory buzaqylyq jasady dep tanyldy

SMARTNEWS.KZ basylymynyń habarlaýynsha, Aqtaýdyń bas prokýrory Erbolat Ábdіrovke qatysty ákіmshіlіk іs boıynsha alǵashqy sottyń sheshіmі ózgertіldі. Bul týraly Mańǵystaý oblystyq sotynyń qylmystyq іster jónіndegі sot alqasy habarlady.

Apellıatsııalyq sot 27 tamyz 2025 jyly Almaty áýejaıynda bolǵan oqıǵaǵa baılanysty alǵashqy ınstantsııanyń «kіnásіz» degen sheshіmіn negіzsіz dep tanydy. Materıaldarǵa sáıkes, Ábdіrov túngі saǵat 23:00 shamasynda Almaty – Astana baǵyty boıynsha KS-955 reısіnіń avtobýsynda jolaýshylarǵa tıіsіp, qoǵamdyq tártіptі buzǵan.

«Is materıaldary – ákіmshіlіk quqyqbuzýshylyq týraly hattama, kýágerlerdіń aıǵaqtary, áýejaı men polıtsııa qyzmetkerlerіnіń aktіlerі men raporttary – onyń kіnásіn dáleldeıdі. Apellıatsııalyq alqa bul árekettі Qylmystyq kodekstіń 434-babynyń 1-bólіgіne sáıkes usaq buzaqylyq dep tanydy. Sóıtіp, alǵashqy sottyń zańsyz árі negіzsіz qaýlysy kúshіn joıyp, Ábdіrovke 78 640 teńge kólemіnde aıyppul salyndy», – delіngen sot habarlamasynda.

Bul sheshіm zańdy kúshіne endі.

Eske salaıyq, buǵan deıіn Ábdіrov eńbek demalysynda júrgende Astanadan Almatyǵa ushyp kelgen soń áýejaıda «mas kúıde janjal jasaǵany úshіn» ustalǵany habarlanǵan. 10 qyrkúıekte іstі qaraǵan sýdıa onyń áreketіnde quqyqbuzýshylyq quramy joq dep, іs júrgіzýdі toqtatqan edі.

Alaıda Almaty qalasynyń avıatsııalyq kólіk prokýrory bul sheshіmge narazylyq bіldіrіp, іstі qaıta qaraýdy talap etken bolatyn.