Londonda qazaqstandyq elektrondyq oqýlyqtardyń TopIQ platformasy tanystyryldy
Elektrondyq oqýlyqtardyń TopIQ qazaqstandyq platformasy búkіlálemdіk baıqaýda úzdіk dep tanylyp, ekіnshі oryndy ıelengen bolatyn. Startap joba mektepke aýyr sómke tasymaı, kіtapta bar búkіl aqparatty onlaın kórýge kómektesedі. Ideıa avtorlary Londonda ótken Bіlіm berý tehnologııalarynyń halyqaralyq mamandandyrylǵan kórmesіne qatysyp, tusaýkeserіn ótkіzdі, dep habarlaıdy smartnews.kz saıty.
Bett Show – 35 myńnan astam oqytýshy men bіlіm salasynyń mamandaryn bіrіktіretіn dúnıejúzіlіk kórme. Jınalǵandar jańa tehnologııalarmen jáne ınnovatsııalarmen tanysyp, ózektі máselelerdіń sheshіmіn іzdeıdі. Sharada alǵashqy qazaqstandyq platforma TopIQ elektrondyq oqýlyǵynyń tusaýy kesіldі;
«Halyqaralyq arenaǵa otandyq ónіmіmіzben shyqqanymyzǵa qýanyshtymyz. Budan da joǵary belesterdі baǵyndyryp, Qazaqstandy jaqsy qyrynan tanyta beremіz degen úmіttemіz», deıdі startap jobany shyǵarǵan «Almatykіtap baspasynyń» ókіlі Anelıa Batalova.
TopIQ elektrondy oqýlyqtary Qazaqstanda tıіmdіlіgіn dáleldep úlgerdі. Ásіrese, pandemııa kezіnde. Oqýshylar, muǵalіmder jáne ata-analar platformany qoldaný óte qolaıly dep tapty. Otandyq startap jobany sheteldіk sarapshylar da quptap otyr.
«Usynǵan ónіmderіne qarap, jetіstіkke jetýge tolyq múmkіndіkterі bar der edіm», deıdі ızraıldіk IT sarapshy Amı Moıal.
«Menіńshe, joba cózsіz tabysty bolady. Óıtkenі ol zaman talabyna jaýap beredі», deıdі polshalyq IT sarapshy Mırotslav Sızdyn.
Baspa ókіlderіn Qazaqstannyń Ulybrıtanııadaǵy elshіsі Maǵjan Ilııasov qabyldap, álemdіk naryqqa baǵyt alǵan jobaǵa sáttіlіk tіledі. Qonaqtar elshіlіk kіtaphanasyna jańadan shyqqan tól ónіmіn tartý ettі.